Gobiernu del Principau d'Asturies

Asturies, muncho más cerca

Tas en

Asturias.es Gobiernu Actualidá
 

Actualidá

RSS
Resultados 21−30 de 4331  Página 

El proyectu pilotu diseñáu paretomar la actividá en centros sociales pa persones mayores comienza en Moreda col serviciu de podoloxía

13/10/2020

Esta iniciativa, empobinada a equipamientos que comparten edificiu colos centros de día, va desenvolvese pe fases y con circuitos y profesionales independientes. Asturies cunta con 22 instalaciones d'estes característiques, a les que podría extrapolarse el modelu ayerán si funciona correchamente

Derechos Sociales alerta d’un intentu d’estafa nes residencies d’Asturies

13/10/2020

El modus operandi de los estafadores consiste en facese pasar por inspectores de Sanidá y solicitar pagos pa espedir un supuestu certificáu d'homologación. Tamién se presenten como técnicos de la Organización Mundial de la Salú y esixen dineru para unviar un material homologáu. El Serviciu d'Inspección de la conseyería púnxose en contactu con tolos centros, públicos y privaos, para sollertar sobre la illegalidá d'esta práctica. Na primer fola de la pandemia yá se rexistraron llamaes d'esti tipu, que tamién fueron detectaes pola inspección y comunicaes a tola rede xeriátrica

El Principáu defiende una PAC orientada a xenerar actividá económica y ameyorar la rentabilidá de les esplotaciones agraries

13/10/2020

El conseyeru de Mediu Rural apuesta por impulsar la figura del llabrador xenuinu” que fortalez el modelu de negociu familiar y sostenible de la cornisa cantábrica . Calvo defende planes específicos pa la ganadería estensiva y el sector llacteu

El Principáu va estrayer 5.000 m³ de sedimentos del puertu pesqueru de Llanes p’ameyorar la seguridá de les embarcaciones

11/10/2020

Les obres, con un coste de 380. 000 euros, van axilizase pa que peracaben esti añu. Infraestructures invierte en 2020 cerca de 720. 000 euros en dragaos pa caltener el caláu de les instalaciones portuarias

El Principáu participa nun proyectu pilotu nacional que promueve’l turismu sostenible venceyáu a espacios de la Rede Natura 2000

10/10/2020

El Parque de Somiedu ye ún de los cuatro escoyíos en tol país. p’aplicar esta iniciativa que fomenta la conservación y el reconocimientu de la biodiversidá. Trés empresas turístiques allugaes n’esta zona son les primeres seleccionaes p’axuntase al proyectu

El Principáu entama con empreses y sindicatos la redacción de la Estratexa Enerxética Xusta

10/10/2020

El documentu va unviase a la UE pa optar a los fondos estraordinarios y al nuevu marcu presupuestariu 2021-2027. Na ellaboración van participar Fade, SOMA, CCOO, sociedaes enerxéticas, industries electrointensives, la Universidá, Faen, el CSIC-Incar y el Club Español de la Enerxía

El Principáu concede ayudes por casi 13,3 millones a 251 profesionales de la ganadería y l’agricultura pa la meyora d’esplotaciones

09/10/2020

Los fondos sofiten proyectos que van movilizar una inversión de más de 27,2 millones pa favorecer l’emprendimientu nel mediu rural y la rentabilidá de los negocios. Estes actuaciones enmárquense nel Programa de Desenvolvimientu Rural y cuenten con financiación de la Unión Europea, el Gobiernu d’España y l’Executivu autonómicu

La Conseyería de Salú declara l’alerta naranxa en conceyu de Mieres

09/10/2020

El Serviciu de Vixilancia Epidemiolóxica confirma 117 nuevos casos por coronavirus diagnosticaos ayeri. Salú Pública llama a la vecería de los bares el Duende, de Trubia, n’Uviéu, y Casa Eliseo, en L’Entregu, y del restaurante La Panoya, de Cenera, en Mieres, pa facer un estudiu ampliáu de contactos. La tasa de positividá asítiase nel 2,66%, después de facer el xueves 4. 387 pruebes PCR. Les autoridaes sanitaries animen a la ciudadanía a crear burbuyas sociales para frenar los contaxos y protexer a les persones mayores de la enfermedá

Cultura celebra’l Día del Arte Rupestre con actos nel Muséu Arqueolóxicu, el centru Tito Bustillo y el Parque de la Prehistoria

08/10/2020

Una conferencia, una visita guiada y una sesión de La maleta viajera conformen el programa promovíu por Patrimoniu pa mañana

El Principáu, el Conceyu d’Uviéu y l’Institutu del Quesu entamen el Foru pa la Innovación Lactoquesera

08/10/2020

L’alcuentru, que va celebrse del 3 al 5 de payares, ye parte de la campaña pa promocionar l’eventu Asturias Paraíso International Cheese Festival

Resultados 21−30 de 4331  Página 

Información sobre el documento

© Copyright 2006. Gobiernu del Principau d'Asturies