Gobiernu del Principau d'Asturies

Asturies, muncho más cerca

Tas en

Asturias.es Temes Salú El Sespa celebra mañana les pruebes de selección de técnicos ...
 

Salú

El Sespa celebra mañana les pruebes de selección de técnicos especialistes de llaboratoriu, radiodiagnósticu, anatomía patolóxica y ayudantes de servicios

Más de seis mil opositores aspiren a 166 places de personal estatutario y de servicios. Les cuatro pruebes van celebrase en turnu de mañana, a partir de les 11 hores, nel Recintu Ferial Luis Adaro de Xixón

30/11/2019

El Serviciu de Salú del Principáu d’Asturies (Sespa) celebra mañana domingu, 1 d’avientu, les pruebes de los procesos selectivos pa cubrir 58 places de técnicu especialista de Radiodiagnósticu, otres 58 de técnicu especialista de Llaboratoriu, 10 puestos de técnicos especialistes d’Anatomía Patolóxica y 40 places d’ayudante de Servicios. En total inscribiéronse 6.162 aspirantes pa un total de 166 puestos.

Los cuatro pruebes van celebrase a partir de les 11:00 hores nel Recintu Ferial Luis Adaro de Xixón. A los medios de comunicación van facilita-yos l’accesu pa la toma d’imáxenes a les 10:30 hores (entrada principal).

Los opositores van poder aportar a estes instalaciones a partir de les 9 de la mañana; una hora depués, a les 10:00 hores, van poder entrar nes aules de los exámenes.

Les pruebes van tener una duración de 120 minutos nel casu de les places de Técnicos Especialistes y de 90 minutos p’Ayudantes de Servicios.

El Sespa habilitó la páxina web www.miacreditacion.es pa que los opositores puedan descargar l’acreitación, asemeyada a les tarxetes d’embarque de los aviones. L’acreitación, onde figura un códigu d’entrada, les instrucciones xenerales y dellos conseyos, amás d’un planu cola dirección exacta de la sede, l’aula y la puerta d’accesu a esta, dexa una entrada rápida y ordenada al recintu ferial y les aules d’exame.

L’exame enmárcase dientro de la Ufierta Pública d’Empléu (UPE) cola que’l Sespa intenta consolidar empléu estable y amenorgar la tasa d’interinidá, que pasó d’un 34 % nel 2015 al 14 % na actualidá. La previsión ye que seya del 8 % nel 2020.



Información sobre el documento

© Copyright 2006. Gobiernu del Principau d'Asturies