Gobiernu del Principau d'Asturies

Asturies, muncho más cerca

Tas en

Asturias.es Gobiernu Actualidá Educación multiplica les places de formación del profesoráu en ...
 

Actualidá

Educación multiplica les places de formación del profesoráu en dixitalización y metodoloxíes telemátiques nueves

La demanda tan grande que se rexistro fai xubir la inscripción esti mes hasta las 1. 636 persones, frente a les 825 previstes de primeres. Los cuatro centros de recursos del Principáu coordinen cursos que van permiti-yos meyorar les competencies a más de 3. 200 docentes en setiembre y ochobre

16/09/2020

La Conseyería d'Educación multiplicó les places de formación del profesoráu empobinaes a ameyorar les competencies en digitalización y aprender nueves metodoloxíes, lo que va facilitar la so adaptación a la nueva realidá derivada de la pandemia del coronavirus.

En total, más de 3.200 docentes van asistir a estos talleres qu'ufierten los Centros del Profesoráu y de Recursos (CPR) del Principáu. L'Alministración tomó esta decisión para garantizar que tengan la oportunidá d'ameyorar les sos conocencies dixitales, en función del so nivel d'usuariu.

Los cuatro CPR (Avilés-Occidente, Cuenques Mineres, Uviéu y Xixón-Oriente) imparten esti mes siete actividaes distintes que tomen dende la creación de podcast a la meyora del manexu del Office 365, una de les ferramientes informátiques d'usu xeneralizáu. Primeramente ufiertábense 825 places, que s'ampliaron hasta les 1.636 pola demanda tan grande rexistrada hasta'l pasáu día 4, fecha na que remataba'l plazu d'inscripción.

Amás, n'ochobre va desenvolvese una nueva convocatoria. Asina, los CPR van programar cuatro cursos más que se van espublizar na web de la Conseyería d'Educación a partir del 22 de setiembre y que van sumar otres 1.600 places. Tamién se van entamar les actividaes incluyíes nos sos propios planes añales y aquelles empobinaes a los equipos directivos. D'esta miente, los centros intensifiquen y reorienten la so programación para afaese a les necesidaes detectaes ente profesionales.

Toes estes iniciatives formatives complementen les desenvueltes nel tercer trimestre del cursu pasáu. Mientres esi períodu, un total de 7.000 docentes participaron en dalgún de los 42 seminarios web entamaos pal manexu del Office 365, y otros 1.840 tuvieron accesu a formación personalizada sobro esta ferramienta.

La prioridá de la conseyería ye sofitar al personal nel usu de recursos informáticos y contribuyir al desenvolvimientu d'entornos de trabayu dixitales nos centros. Nesti contestu, l'impulsu d'acciones específiques empobinaes a atender al alumnáu más vulnerable ye un oxetivu fundamental, amás d'a la comunicación y collaboración coles families.

CPR Cursos setiembre Places iniciales Places tres de l'ampliación
Avilés Office 365. Oportunidaes pa la enseñanza a distancia 250 700
Cuenques Creación de Podcast 100 200
Xixón Powerapps (dos grupos)

Adobe Captivate (1ª edición)

Adobe Captivate (2ª edición)

Moodle

35

40

100

200

70

40

100

426

Uviéu Creación y edición d'imáxenes y vídeos de usu didácticu 100 100
Totales 825 1.636
CPR Cursos ochobre Places
Avilés Office 365. Oportunidaes pa la enseñanza a distancia 700
Cuenques Creación de Podcast 200
Xixón Moodle 400
Uviéu Creación y edición d'imáxenes y vídeos d'usu didácticu 300
Totales 1.600

Información sobre el documento

© Copyright 2006. Gobiernu del Principau d'Asturies