Gobiernu del Principau d'Asturies

Asturies, muncho más cerca

Tas en

Asturias.es Families L’ HUCA organiza’l primer conciertu navidiegu col coru infantil ...
 

Families

L’ HUCA organiza’l primer conciertu navidiegu col coru infantil de la Fundación Princesa d’Asturiaes y el cuartetu Ensamble Aula Allegretto

El recital, que va entamar a les 18 hores d’esta tarde, ta abiertu a pacientes, familiares, personal sanitariu y públicu en xeneral hasta completar l’aforu del salón d’actos

13/12/2019

Les voces blanques del Coru Infantil de la Fundación Princesa d'Asturies y el cuartetu Ensamble Aula Allegretto van intervenir a partir de les 18 hores d'esta tarde nel primer recital navidiegu del Hospital Universitariu Central d'Asturies (HUCA). El conciertu, solidariu, ta abiertu a pacientes, familiares, personal sanitariu y públicu polo xeneral hasta completar les 450 butaques del salón d'actos.

En dos hores, l’HUCA va vivir un pequenu intervalu musical que va empezar cola intervención del Cuartetu Ensamble Aula Allegretto, formáu por María González Serrano (violín), Antonio Pérez Fernández (violonchelu), Olga Pérez Fernández (violín) y Paula Raposo Rodriguez (pianu).

De siguío, los neños del coru de la Fundación Princesa d'Asturies, so la dirección de Natalia Ruisánchez y col acompañamientu al pianu de Sonia Sueru Mangas, van interpretar l'Ave María de Michal Lorenc, Nella Fantasía de Ennio Morricone y Chiara Ferreu, All you need is love de John Lennon y Paul McCartney, y Hallelujah de Leonard Cohen.

El conciertu va rematar colos villancicos Fum, Fum, Fum; We wish you a Merry Christmas y Peaceful, Silent Night.

El conciertu foi posible pola collaboración la Fundación Princesa d'Asturies, l'Aula Allegretto, l'Asociación Humanitaria pa la Formación Sanitaria (HASHTG) y del Serviciu de Salú del Principáu d'Asturies.

Los medios de comunicación van poder tar presentes, siempre que caltengan la imaxe de los pacientes sobremanera de los neños.

Información sobre el documento

© Copyright 2006. Gobiernu del Principau d'Asturies