Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu Infraestructures nel Principáu Infraestructures abre esti xueves una carril alternativa na ...
 

Infraestructures nel Principáu

Infraestructures abre esti xueves una carril alternativa na carretera Colunga-Llastres que va dexar restablecer el tráficu

El vial va tar reguláu por semáforos hasta la conclusión de les obras de reparación del fundimientu qu’hubo en payares de resultes del temporal. El vicepresidente y conseyeru d’Infraestructures, Juan Cofiño, comunicó güei a l’alcaldesa de Ponga l’apertura de la vía provisional

d'esquierda a derecha, el vicepresidente y conseyeru d'Infraestructures, Mediu Ambiente y Cambéu Climáticu, Juan Cofiño; l'alcaldesa de Colunga, Sandra Cuesta, y la directora xeneral d'Infraestructures, Esther Díaz

21/01/2020

La Conseyería d’Infraestructures, Mediu Ambiente y Cambéu Climáticu va abrir el xueves que vien la carril alternativa de tráficu que va dexar el pasu de vehículos pela carretera AS-257, que xunta Colunga y Llastres, al altor del puntu quilométricu 1,100, onde hubo un fundimientu de la plataforma consecuencia del temporal del mes de payares pasáu.

Asina lo comunicó güei’l vicepresidente del Gobiernu y conseyeru d’Infraestructures, Mediu Ambiente y Cambéu Climáticu, Juan Cofiño, a l’alcaldesa de Colunga, Sandra Cuesta, na reunión que tuvieron n’Uviéu, a la que tamién asistió la directora xeneral d’Infraestructures, Esther Díaz.

D’esta forma, va restablecese’l tráficu del vial, fundamental pa los marineros na costera de la xarda, desque les obres pa iguar el fundimientu dexaron abrir el tramu en condiciones de seguranza.

L’arreglu del fundimientu, de gran complexidá técnica y que s’efectúa por trámite d’emerxencia, tien un costu de más de 400.000 euros.

Información sobre el documento

© Copyright 2006. Gobiernu del Principau d'Asturies