Gobierno del Principado de Asturias

Asturias, mucho más cerca

Estás en

Aniciu Temes Emplegu Prevención de riesgos llaborales La Conseyería d’Educación avanza nel procesu alministrativu pa ...
 

Prevención de riesgos llaborales

La Conseyería d’Educación avanza nel procesu alministrativu pa entregar la ropa a los trabayadores de Valgrande-Payares

El Principáu caltién el 5 de marzu como fecha pa suministrar al personal parte del equipamientu previsto nel conveniu. El secretariu xeneral técnicu reunióse güei colos empleaos de la estación pa informalos sobre’l procedimientu

14/02/2019

El secretariu xeneral técnicu de la Conseyería d’Educación y Cultura, Vicente Hoyos, aseguró güei al comité de fuelga y a una representación de la plantiya de trabayadores de la estación ivernal y de monte Valgrande-Payares que van recibir parte de la ropa previsto nel conveniu colectivu’l 5 de marzu que vien, gracies a los avances realizaos nel procedimientu alministrativu.

Esti alcuentru forma parte del compromisu adquiríu’l 7 de febreru pol conseyeru d’Educación y Cultura, Genaro Alonso, colos empleaos de la estación pa que desconvoquen los dos paros previstos pa los díes vinientes. Na xunta, Hoyos esplicó que yá se zarró’l plazu pa que les empreses presenten ufiertes y repitió que la conseyería caltién la fecha alcordada pa suministrar parte del equipamientu.

Tamién esplicó que se rexistraron avances importantes na tramitación alministrativa del contratu pa dotar a los trabayadores del material que quedaba pendiente.

El Gobiernu d’Asturies destinó a lo llargo de la llexislatura 180.000 euros a la instalación d’una cinta de debutantes de 50 metros na parte baxa de la estación y anguaño presupuestó 150.000 pa meyores nel complexu.

 

Información sobre el documento

© Copyright 2006. Gobierno del Principado de Asturias