Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales Portal Socialasturias El Gobiernu d'Asturies refuerza la dotación de material ...
 

Portal Socialasturias

El Gobiernu d'Asturies refuerza la dotación de material sanitario nes residencies de persones mayores de la rede pública

Delles conseyeríes dan mázcares, gorros, calces, bates, gafes y soluciones hidroalcohólicas pa desaniciar los efectos de la pandemia ente los colectivos más vulnerables

18/03/2020

El Gobiernu d'Asturies ta reforzando la dotación de material sanitario nes residencies de persones mayores de la rede pública (ERA) cola collaboración de distintes conseyeríes. Amás, ta impartiéndose formación específica a la plantiya de tolos centros pa encarar la situación creada pol nuevu coronavirus.

El material d’apoyu donáu poles conseyeríes componse de kits formaos por mázcares quirúrxiques, gorros, calces, bates, gafes y soluciones hidroalcohóliques.

Esta ye una de les midíes adoptaes nel marcu de la coordinación sociosanitaria ente los departamentos de Derechos Sociales y de Salú pa combatir la pandemia y protexer a los colectivos más vulnerables, como les persones mayores.

La campaña de refuerzu de material sanitario empecipióse nes residencies de Grau y El Cristo (Uviéu), dambes pertenecientes al ERA, onde s'estremaron les midíes de seguridá, hixene, asistencia y siguimientu de les persones mayores, tal qu’esixe'l protocolu sanitariu, en dando positivu en COVID-19 ún de el trabayadores que desempeña les sos funciones en dambos centros.

Estes iniciatives siguen los encamientos de la Organización Mundial de la Salú, el Gobiernu central y la Conseyería de Salú pa facer frente a la pandemia.

“Nesta situación tan complexa a la que nos enfrentamos tenemos dos oxetivos: garantizar la salú de los residentes y les de los profesionales. Tamos poniendo tolos medios que tenemos al nuesu algame pa llograr dambos oxetivos”, esplicó la conseyera de Derechos Sociales y Bienestar, Melania Álvarez.

Información sobre el documento

© Copyright 2006. Gobiernu del Principau d'Asturies