Gobiernu del Principau d'Asturies

Asturies, muncho más cerca

Tas en

Asturias.es Temes Seguridá pública Seguridá ciudadana El Principáu solicita la collaboración de la Delegación del ...
 

Seguridá ciudadana

El Principáu solicita la collaboración de la Delegación del Gobiernu pa desinfectar residencies privaes

La Conseyería de Derechos Sociales y Bienestar propón la hixenización d'un primer llote de siete centros

30/03/2020

El Gobiernu d'Asturies solicitó la collaboración de la Delegación del Gobiernu pa que lleve a cabu la desinfección y hixenización de les residencies de mayores privaes d'Asturies. Concretamente, derivóse'l pidimientu pa desinfectar un primer llote de siete centros privaos nos que se rexistraron casos positivos en COVID-19.

La conseyera de Derechos Sociales y Bienestar, Melania Álvarez, destacó que al Gobiernu d'Asturies esmolécen-y “toles persones mayores y por ello trabayamos pa garantizar la seguridá y el bienestar de tol colectivu, con independencia de que residan nun centru públicu o priváu”.

Les siete residencies que s'incluyen nesti primer llote son Virgen del Carbayo (Llangréu), Plaza Real y Centro Gerontológico Jovellanos (Xixón), Residencia San Pedro (Salas), Residencia Geriátrica San Pancracio (Carreño), Residencia Geriátrica Colegio San Francisco (Villaviciosa), Residencia Doña Manolita (Candamu) y Residencia geriátrica Faustino Sobrino (Llanes).

La conseyería yá informó a los centros afectaos que van ser oxetu de desinfección. Asina mesmo, comunicóse a les principales asociaciones de centros privaos que cualquier solicitú de desinfección por parte de los medios que punxo a disposición la Delegación de Gobiernu tendrá de realizase pola canal de comunicación que tien abierta la Conseyería de Derechos Sociales y Bienestar pa esta crisis.

Información sobre el documento

© Copyright 2006. Gobiernu del Principau d'Asturies