Gobiernu del Principau d'Asturies

Asturies, muncho más cerca

Tas en

Asturias.es Temes Tresportes y Movilidá Tresporte ferroviariu y por cable La meyora de les obres del soterramientu de Llangréu va obligar ...
 

Tresporte ferroviariu y por cable

La meyora de les obres del soterramientu de Llangréu va obligar a cortar la llínea ferria ente Xixón y La Pola Llaviana a partir del 9 de payares

La midida va afectar a les once estaciones del tramu ente Llaviana y Tiuya. El Consorciu de Tresporte d'Asturies va habilitar un serviciu alternativu d'autobús con paraes equivalentes ya idéntiques tarifes pa embrivir les molesties a los usuarios

30/10/2015

La llinia ferria F5, que xune les localidaes de Xixón y La Pola Llaviana, va permanecer cortada al tráficu al altor de Tiuya a partir del próximu 9 de payares nun tiempu aproximáu de seis meses, como condición indispensable p'avanzar nes obres del proyectu de soterramientu de les víes de l'antigua FEVE en Llangréu.

Col fin de causar les mínimes molesties a los usuarios, el Consorciu de Tresportes d'Asturies (CTA) va poner en marcha a partir d'esi día un serviciu alternativu d'autobús con paraes equivalentes a les qu'efectúa'l tren y con idéntiques tarifes, que va tar en marcha nel tiempu que permaneza cortáu’l serviciu de ferrocarril.

La conseyera d'Infraestructures, Belén Fernández, y el director del CTA, Carlos Lozano, van visitar Llangréu'l próximu miércoles, día 7, pa informar sobre estes incidencies a los alcaldes de la Mancomunidá del Valle del Nalón (Llangréu, Samartín del Rei Aurelio, Llaviana, Sobrescobiu y Casu) y a los integrantes de la Plataforma pol Soterramientu de les Víes. De la mesma, el Principáu va informar puntualmente a los ciudadanos sobre la interrupción del serviciu y a toles organizaciones d'afectaos que lo soliciten.

La execución de les obres del soterramientu de Llangréu rique la realización d'esti corte de la circulación ferroviaria pa dexar el trabayu de les pilotadores na zona del ríu Candín, bien constreñida pola presencia d'edificios (Valnalón y Barriu Urquixo).

La duración de los cortes débese, ente otros motivos, a la necesidá de realizar llabores de estabilización del terrén alredor del edificiu Incubatic pa garantizar la so estabilidá mientres la execución d'una pantalla de pilotes y a la imposibilidá de realizar los trabayos mentaos n'horariu nocherniegu, col fin de nun superar les llendes acústiques.

Información sobre el documento

© Copyright 2006. Gobiernu del Principau d'Asturies