Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales El Gobiernu d’Asturies pon en marcha un programa pa combatir la ...
 

Servicios sociales

El Gobiernu d’Asturies pon en marcha un programa pa combatir la soledá ensin deseyar ente les persones mayores

La iniciativa Senda va empecipiar a aplicase en xineru en Sobrescobiu y Casu para depués estendela a los conceyos restantes. El proyectu va permitir evaluar les condiciones concretes de cada situación individual pa reaccionar con prontitú y tomar midíes afayadices a la so realidá

24/11/2019

El Gobiernu d'Asturies va empecipiar en xineru en Sobrescobiu y Casu l'aplicación del proxecto Senda, que pretende amenorgar la soledá ensin deseyar ente la población mayor asturiana.

Esta iniciativa, que se desenvuelve al traviés de Conseyería de Derechos Sociales y Bienestar, foi presentada esta selmana nel XVI Foru d'Ética y Avieyamientu, celebráu n'Uviéu. Ye unu de los proyectos d'innovación social de base tecnolóxica del sistema asturianu de servicios sociales.

El pilotaxe va empecipiar en Sobrescobiu y Casu. Una vegada validáu, el proyectu va estendese al restu de conceyos. Va permitir a los profesionales desarrollar midíes adaptaes a la realidá de cada persona mayor como parte de los programes estratéxicos de promoción del avieyamientu activu. Les variables que se van analizar son les condiciones físiques, l'estáu de salú y l'ecosistema social y familiar.

Senda ye un exemplu del modelu d'atención centráu nes persones nel que trabaya la Conseyería de Derechos Sociales y Bienestar nel so apueste por dar una respuesta adptada a les necesidaes de les persones mayores y en combatir y predicir alertes derivaes de la soledá ensin deseyar.

La iniciativa surdió ente los profesionales del sistema de servicios sociales, quien detectaron la necesidá de cuntar con un preséu d'evaluación. Dende la Conseyería de Derechos Sociales y Bienestar apostóse pola idea y agora llánzase esta iniciativa.

Información sobre el documento

© Copyright 2006. Gobiernu del Principau d'Asturies