Gobierno del Principado de Asturias

Asturias, mucho más cerca

Estás en

Aniciu Gobiernu Actualidá L'equipu de xeriatría d'urxencies del HUCA emprestó atención ...
 

Actualidá

L'equipu de xeriatría d'urxencies del HUCA emprestó atención especializada a más de 30.000 pacientes mayores de 80 años dende la so puesta en marcha en 2005

Esti dispositivu, pioneru n’España, ta formáu por trés xeriatres que realicen una valoración integral y un plan individualizáu pa cada enfermu. Más de 250 profesionales d’enfermería y medicina participarán en el primer Curso Nacional de Xeriatría n’ Urxencies, que se celebra dende mañana n’Uviéu

28/03/2019

L'equipu de xeriatría d'urxencies del Hospital Universitariu Central d'Asturies (HUCA) emprestó atención especializada a más de 30.000 pacientes mayores de 80 años dende la so puesta en marcha en 2005. Esti equipu, en collaboración colos profesionales del Serviciu d'Urxencies, realiza una valoración global de cada usuariu, col fin de desenvolver un plan individualizáu, en función de les sos necesidaes.

Trátase r d'un dispositivu d'atención pioneru n'España, formáu por un equipu de trés xeriatres que lleven a cabu una valoración de los pacientes mayores cuando lleguen a urxencies. Amás, ellaboren un plan individualizáu, empobináu a caltener la so calidá de vida, col fin de prevenir que s'agraven situaciones de discapacidá y evitar pruebes invasives y tratamientos agresivos con escasu beneficiu.

Esta iniciativa llogró recudir los ingresos un 15% y menguar los trestornos y desaxustes que pueden provocar nes persones d'avanzada edá, como l'agravamientu de la incapacidá, episodios de desorientación o entueyos nel so estáu de salú pola esposición a enfermedaes infeicioses.

Nos primeros años, l'equipu de xeriatría d'urxencies del HUCA atendía a una media de 1.700 pacientes añalmente, pero esta cifra aumentó hasta los 3.000 de l'actualidá.

Les persones mayores tienen característiques distintes al restu de la población como'l deterioru funcional, enfermedaes cróniques, polimedicación y enclín a la incapacidá qu'esixen una adaptación del sistema d'atención a les sos necesidaes.



Primer cursu nacional

Más de 250 profesionales de medicina y enfermería de tol país van asistir al Cursu Nacional de Xeriatría n'Urxencies qu'arrinca mañana n'Uviéu. L'alcuentru ta entamáu pola Sociedá de Xeriatría y Xerontoloxía del Principáu y ye’l primeru d'estes característiques que se realiza a nivel nacional.

L'actividá va cuntar con ponentes nacionales y estranxeros d'acreditada esperiencia. Ente los temes que se van abordar, figuren los modelos asistenciales adptaos a los pacientes d'edá elevada, como'l que desenvuelve l’HUCA de forma pionera; la xeriatría d'urxencies n'Europa, la patoloxía cardiaca de l’ancianidá n'urxencies, etcétera.

 

Información sobre el documento

© Copyright 2006. Gobierno del Principado de Asturias