Gobiernu del Principau d'Asturies

Asturies, muncho más cerca

Tas en

Asturias.es Temes Pesca Ser Pescador El Centru d'Esperimentación Pesquera crea una páxina web pa ...
 

Ser Pescador

El Centru d'Esperimentación Pesquera crea una páxina web pa divulgar la captura artesanal y xestión del pulpu nel occidente d'Asturies

09/11/2017

El Centru d'Esperimentación Pesquera, dependiente de la Conseyería de Desenvolvimientu Rural y Recursos Naturales, desenvolvió la páxina web www.pulpodeasturias.es pa divulgar la pesquería y la xestión del pulpu nel occidente d'Asturies.

Esti sitiu web incluye información sobre la bioloxía del pulpu común (Octopusvulgaris), la so captura mediante l'usu de nases, y la regulación y el siguimientu de la pesca nel occidente asturianu. Pa facilitar la divulgación, la páxina incluye testu, material audiovisual (fotografíes y un videu) y mapes interactivos.

El dominiu www.pulpodeasturias.es ye, por ello, una ferramienta d'espardimientu d'información relativa a la pesquería d'esti moluscu, d’importancia económica grande pal sector pesqueru artesanal asturianu. Esta actividá regúlase dende l'añu 2000 mediante un plan de xestión que quier caltener el recursu y ameyorar la so comercialización. El programa ta ellaboráu pola Dirección Xeneral de Pesca Marítima, en collaboración coles confraderíes de marineros de Cuideiru, Ouviñana, L.luarca, Veiga, Ortigueira, El Porto, Tapia y As Figueiras.

El modelu de xestión de la pesquería de pulpu n'Asturies, xunto colos estudios de siguimientu y investigación que sobre esta especie se lleven alantre por parte de los técnicos del Centru d'Esperimentación Pesquera, dexaron a una parte de les confraderíes de la mariña occidental llograr nel 2016 la certificación de sostenibilidá MSC. Anguaño, les embarcaciones asturianes certificaes son les úniques nel mundu que pueden vender pulpu con eco-etiqueta MSC, de reconocencia grande a nivel internacional.

 

 

Información sobre el documento

© Copyright 2006. Gobiernu del Principau d'Asturies