Gobierno del Principado de Asturias

Asturias, mucho más cerca

Estás en

Asturias.es Temas Sociedad de la información Internet a tu alcance El Gobiernu d’Asturies va instalar rede de banda ancha ...
 

Internet a tu alcance

El Gobiernu d’Asturies va instalar rede de banda ancha ultrarrápida en tolos centros docentes calteníos con fondos públicos

El programa Escuelas Conectadas va ponese en marcha nel últimu trimestre d’esti añu y va completase en 2018

25/10/2017

El Gobiernu d'Asturies va instalar redes de banda ancha ultrarrápida en tolos centros educativos non universitarios sosteníos con fondos públicos, a lo llargo del últimu trimestre d'anguaño y el próximu exerciciu, nel marcu del programa Escueles Conectaes.

La midida, que s'enmarca nel conveniu de collaboración trillateral ente'l Ministeriu d'Educación, el Principáu y la entidá pública Red.es, consiste en dotar de conectividá ultrarrápida ya implantar rede wifi nos espacios docentes. Darréu, va realizase un siguimientu detalláu pa verificar el correctu funcionamientu de los nuevos sistemes.

Rede.es licitó el contratu en 8.118.558 euros y foi axudicáu a la empresa Orange Espagne por 6.535.439.

Esta iniciativa cunta con financiación del Programa Operativu de Crecimientu Intelixente 2014-2020, correspondiente a los fondos estructurales de la Unión Europea, y va favorecer conexones más rápides y eficaces nos centros, mesmo que la puesta en marcha de polítiques que fomenten l'usu educativu de les tecnoloxíes de la información y les comunicaciones de forma sistemática

L'alcuerdu ente l'Alministración central y l'autonómica céntrase nos siguientes ámbitos:

Actuaciones preparatories:

 - Va analizase la dotación tecnolóxica de los centros calteníos con fondos públicos y va realizase un inventariu detalláu, que va recoyer la situación de la rede de comunicaciones interna y l'accesu a les redes públiques de telecomunicaciones de banda ancha ultrarrápida. Amás, va ellaborase un plan de trabayu que va recoyer les acciones previstes.

Actuaciones nos centros docentes:

 - Establecimientu d'accesu a les redes de banda ancha ultrarrápida dende los centros de Primaria y Secundaria.

 - Dotación y esplegue de la infraestructura y equipamientu necesariu pa que en toles aules ya instalaciones de cada centru pueda facese un usu efectivu de los servicios de banda ancha.

 - Dotación y puesta a disposición de sistemes de xestión de les comunicaciones.

 - Dotación d'infraestructura y recurso TIC pal so empléu nel aula.

Información sobre el documento

© Copyright 2006. Gobierno del Principado de Asturias