Gobiernu del Principau d'Asturies

Asturies, muncho más cerca

Tas en

Asturias.es El Ministeriu d'Industria, los gobiernos d'Asturies y Galicia y ...
 

Aniciu

El Ministeriu d'Industria, los gobiernos d'Asturies y Galicia y los Conceyos d'A Coruña, Avilés y Gozón proponen una mesa de trabayu pa negociar con empresa y axentes sociales el futuru de les plantes d’Alcoa

Alcuerden unidá d'acción y piden la retirada del ERE estintivu

08/11/2018

El Ministeriu d'Industria, la Xunta, el Gobiernu del Principáu y los Conceyos d'A Coruña, Avilés y Gozón alcordaron güei proponer la constitución d'una mesa de trabayu, na qu'amás participen los axentes sociales y Alcoa, pa negociar el futuru de les plantes de la empresa allugaes en Galicia y Asturies.

L'alcuerdu adoptóse na xunta institucional celebrada esta tarde na sede del Ministeriu, a la qu'asistieron la ministra d'Industria, Reyes Maroto, la ministra de Transición Ecolóxica, Teresa Ribera, el presidente de la Xunta, Alberto Núñez Feijóo, el presidente del Gobiernu del Principáu d'Asturies, Javier Fernández, l'alcalde d'A Coruña, Xulio Ferreiro, y l'alcaldesa d'Avilés, Virtudes Monteserín. Escusó la so asistencia l'alcalde de Gozón, Jorge Suárez.

Les alministraciones públiques comprometiéronse a caltener la unidá d'acción y a presentar propuestes pa evaluales y coordinales na mesa de trabayu, con cuenta d'avanzar tanto nel caltenimientu de les dos unidaes productives y l'empléu n’Alcoa como nuna solución definitiva pa la reindustrialización de les zones afectaes.

Como yá fixeron na xunta caltenida'l pasáu día 23 d'ochobre na sede ministerial, Gobiernu central y Gobiernos autonómicos y municipales encamienten a Alcoa a que retire l'ERE estintivu mientres tea abierta la mesa, y a que la multinacional se sume a un procesu de negociación con cuenta de buscar alternatives de futuru pa les plantes d'Asturies y Galicia.

Na xunta alcordóse tamién que'l Gobiernu va activar d'equí a final d'añu les midíes previstes pa la industria electrointensiva, en concreto la puya d’interrumpibilidá y el pagu del costu de compensación d'emisiones de CO2. Les Alministraciones comprometiéronse a trabayar paralelamente na ellaboración d'un marcu estable nel ámbitu enerxéticu pa esti tipu d'industria.

 

 

   Icono gráfico alusivo al tipo de archivo Audio (Audio: 1 Mb)

Información sobre el documento

© Copyright 2006. Gobiernu del Principau d'Asturies