Gobierno del Principado de Asturias

Asturias, mucho más cerca

Estás en

Aniciu Gobiernu Actualidá El Principáu convoca les elecciones a la presidencia de les ...
 

Actualidá

El Principáu convoca les elecciones a la presidencia de les parroquies rurales, que se van celebrar el 26 de mayu

L’Executivu aprobó güei el decretu que regula esti procesu que va xestionar la Delegación del Gobierno

01/04/2019

El Gobiernu d'Asturies aprobó güei el decretu de convocatoria d'elecciones a la presidencia de les parroquies rurales del Principáu pa la so celebración el próximu 26 de mayu, fecha na que van coincidir los comicios locales, autonómicos y al Parlamentu Européu. La campaña electoral va tener una duración de quince díes: dende les cero hores del 10 de mayu hasta les venticuatro hores del 24.

Hasta agora yera l'Alministración central la que convocaba les elecciones a entidaes locales menores. Sicasí, unu cambéu postuláu pol Ministeriu de Política Territorial, con base nel alcuerdu de la Xunta Electoral Central 3/2019, de 23 de xineru, establez que les comunidaes tienen d'asumir esa competencia. El procesu electoral va ser xestionáu pola Delegación del Gobiernu n'Asturies.

La Llei del Principáu 11/1986, de 20 de payares, reconoz la personalidá xurídica de les parroquies rurales como entidaes locales inframunicipales y establez que caúna d'elles va cuntar con un órganu unipersonal executivu –el presidente o presidenta-, d'elección directa, y con otru colexáu de control, -la xunta de parroquia-, formáu pol titular de la presidencia y un númberu de miembros que nun puede ser inferior a dos nin superior al terciu de conceyales qu'integren la corporación municipal correspondiente.

La designación de los miembros va facese en función de los resultaos de les elecciones locales, na sección o secciones constitutives de la circunscripción para la elección del órganu unipersonal. Pela so parte, el presidente va ser escoyíu por sistema mayoritariu ente los residentes de la parroquia, por votación directa de les persones inscrites nel censu electoral.

Les parroquies nes que se van celebrar los comicios son les siguientes:



Tramu de población mayor de 250 habitantes

Entidad local menor Municipio
Santa María de Llás Cabrales
San Xuan de Piñera Cudillero
Llamuñu, Salamir y Artéu Cudillero
Zarréu Degaña
Barcia y L.leixán Valdés
Trevías Valdés
Villamayor Piloña
Los Cabos Pravia
Agones Pravia
Somáu Pravia

 



Tramu de población menor o igual a 250 habitantes

Entidad local menor Municipio
San Martín del Valledor Allande
Pandenes Cabranes
Brañas/L.leitariegos Cangas del Narcea
Orllé Caso
Caliao Caso
Bueres, Nieves y Gobezanes Caso
Faeu Cudillero
Corollos-La Fenosa-Villeirín-Orderias Cudillero
La Tabla Cudillero
Mumayor y Veiciella Cudillero
San Cosme Cudillero
Val.louta Cudillero
Xío Illano
Sorfoz Ponga
Bances Pravia
Santianes del Rey Silo Pravia
San Damías Pravia
Folgueras Pravia
Llouru Pravia
Escuréu Pravia
La Castañal Pravia
Ëndriga Somiedo
Saliencia Somiedo
Arbechales Somiedo
Parmu Teverga
Fresnéu Teverga
La Foceicha Teverga
Taxa Teverga
Busmente-Herías-La Muria Villayón

 

 

Información sobre el documento

© Copyright 2006. Gobierno del Principado de Asturias