Gobiernu del Principau d'Asturies

Asturies, muncho más cerca

Tas en

Asturias.es Temes Tresportes y Movilidá El serviciu del funicular de Bulnes va suspendese los díes 12, ...
 

Tresportes y Movilidá

El serviciu del funicular de Bulnes va suspendese los díes 12, 13 y 14 d’avientu polos trabayos d’inspección integral

- el Principáu alcordó la parada col Conceyu de Cabrales y los vecinos, pa minimizar les molesties. - el director xeneral de Movilidá y Conectividá, Jorge García, visitó güei’l conceyu

De izquierda a derecha, el director general de Movilidad y Conectividad, Jorge García; el alcalde Cabrales, José Sánchez; y el director de la Agencia de Transportes y Movilidad, José Manuel Caldevilla

22/11/2019

El funicular de Bulnes va parar los díes 12, 13 y 14 d’avientu por cuenta de la inspección integral de la infraestructura que se ta acometiendo. El serviciu va permanecer interrumpíu estos trés díes polos trabayos de revisión del grupu motriz y del reductor, que riquen desmontar y reponer los componentes que, pol so estáu, nun cumplan coles tolerancies prescrites.

El director xeneral de Movilidá y Conectividá, Jorge García, comunicó güei esta parada na so visita a Cabrales, onde se reunió col alcalde del conceyu, José Sánchez. De siguío, García y Sánchez, acompañaos pol director de l’Axencia de Tresportes y Movilidá, José Manuel Caldevilla, realizaron una visita a Bulnes.

Amás, el director de Movilidá informó que, en febreru del añu que vien, va procedese a “la inspección de los vagones, incluyendo los suministros necesarios pa la revisión completa de los frenos, suspensión y maniobra pa llevantar los vagones na estación fondera, amás de la sustitución de les exes y les ruedes”. El contratu d’inspección del funicular xube a 391.246 euros.

La Conseyería d’Infraestructures, Mediu Ambiente y Cambéu Climáticu, consensuó la parada col conceyu y los vecinos.

Información sobre el documento

© Copyright 2006. Gobiernu del Principau d'Asturies