Gobiernu del Principau d'Asturies

Asturies, muncho más cerca

Tas en

Asturias.es Emigrantes El Principáu refuercia'l serviciu d'asesoría qu'empresta a la ...
 

Emigrantes

El Principáu refuercia'l serviciu d'asesoría qu'empresta a la comunidá asturiana nel esterior al traviés de corréu electrónicu

emigracionasturias. org atiende les duldes de quien viven nel esterior o tienen problemes pa tornar. El primer día respondió 85 consultes, 18 d'elles de persones qu'intenten volver al Principáu y el restu de residentes n'América

18/03/2020

El Gobiernu d'Asturies reforció'l serviciu qu'empresta a la comunidá asturiana nel esterior al traviés de la dirección de corréu electrónicu emigracionasturias.org p’atender l'aumentu de les consultes motivaes pola crisis del COVID-19.

Esta dirección de corréu sirve tanto pa resolver duldes y informar y a quien viven davezu fuera como p’asesorar a les persones que s'atopen n'otros países y tienen problemes pa tornar al Principáu. Tamién se sofita a les persones nel estranxeru en situaciones de vulnerabilidá especial.

La Conseyería de Presidencia destinó trés persones a atender les consultes plantegaes al traviés d’esti corréu. Nel so primer día de funcionamientu dende'l refuerciu atendió 85 solicitúes, caúna d'elles nun tiempu máximu de 30 minutos. Dieciocho casos correspuéndense con residentes n'Asturies que tán intentando tornar dende Puertu Ricu, Irlanda, Inglaterra, Estaos Xuníos, Xordania, Dakar, Perú, México y Bélxica. El restu de les consultes correspuenden a residentes n'Arxentina, (38); Venezuela (22) Chile, (4); México, (2), y Colombia (1).

En tolos casos facilitóse-yos la meyor información posible ensin perder de vista que les competencies finales correspuenden al Ministeriu d'Asuntos Esteriores.


Icono gráfico alusivo al tipo de archivo Audiu (Audiu: 574 Kb) (n'español)

Información sobre el documento

© Copyright 2006. Gobiernu del Principau d'Asturies