Gobiernu del Principau d'Asturies

Asturies, muncho más cerca

Tas en

Asturias.es Temes Medios de comunicación Asturies nun va tener qu'adaptar antenes nin resintonizar les ...
 

Medios de comunicación

Asturies nun va tener qu'adaptar antenes nin resintonizar les canales de televisión de TDT

El Principáu nun se va ver afectáu pol apagón del segundu dividendu dixital por completar el procesu en 2015. La Conseyería de Ciencia recuerda a comunidaes de vecinos y particulares que nun acepten ufiertes de servicios técnicos pa revisar les sos instalaciones

16/02/2020

Asturies nun va sufrir l'apagón de la TDT (Televisión Dixital Terrestre) pol denomináu segundu dividendu dixital, qu'obliga a camudar de frecuencia les canales de televisión. El Principáu foi la primer comunidá autónoma en completar yá en marzu de 2015 la lliberación de la banda televisiva que va ocupar nun futuru inmediatu'l 5G. Por ello, la Conseyería de Ciencia, Innovación y Universidá, de quien depende'l serviciu de telecomunicaciones, recuerda que la distribución de frecuencies nun esperimenta nengún cambéu y nun ye mester adaptar antenes.

La migración de frecuencies de la TDT produzse énte la necesidá d'estenar la banda de 700 MHz del espectru radioeléctricu, güei parcialmente ocupada pola TDT, pa permitir ende l'esplegue de futures redes de telecomunicaciones 5G. Los llares españoles disponen hasta'l 3 de marzu pa camudar antenes y resintonizar les canales.

Nel casu d'Asturies, na execución del primer dividendu dixital, el Serviciu de Telecomunicaciones del Gobiernu del Principáu detectó la conveniencia de dar na migración de la señal de RTPA - entós na canal 60, inferior a 800 MHz – y del restu de cadenes estatales que taben obligaes a lliberar l'espectru de les canales 64, 66, 67, 68 y 69 pa la telefonía móvil 4G.

El Principáu siguió les esperiencies de Francia y el Reinu Uníu pa llograr la conformidá del Gobiernu d'España y llevar tolos conteníos a frecuencies inferiores a los 700 MHz, colo que se convirtió na única autonomía n'adelantrase a l'actual migración de frecuencies.

El director xeneral d'Innovación, Investigación y Tresformación Dixital, Iván Aitor Lucas, destacó'l trabayu realizáu pol serviciu técnicu y recordó a comunidaes de vecinos y particulares que nun acepten ufiertes de servicios técnicos pa camudar antenes o resintonizar cola escusa de la entrada a valir del segundu dividendu dixital.

Icono gráfico alusivo al tipo de archivo Audiu (Audiu: 938 Kb) (n'español)

Información sobre el documento

© Copyright 2006. Gobiernu del Principau d'Asturies