Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu Territoriu y urbanismu El Gobiernu d'Asturies aprueba más de 800.000 euros pa la ...
 

Territoriu y urbanismu

El Gobiernu d'Asturies aprueba más de 800.000 euros pa la rehabilitación y rexeneración d'árees urbanes y rurales

El programa ARRU impulsa'l desenvolvimientu sostenible y la eficiencia enerxética d'edificios y viviendes. Los conceyos disponen d'un mes pa presentar les sos propuestes a la Conseyería de Derechos Sociales

01/03/2020

El Gobiernu d'Asturies fixo pública esta selmana la convocatoria de financiamientu de les Árees de Renovación y Rexeneración Urbana (ARRU) por un importe de 815.000 euros. Los conceyos habrán dirixir les sos propuestes a la Dirección Xeneral de Vivienda, dependiente de la Conseyería de Derechos Sociales, pa lo que disponen d'un plazu d'un mes a partir del 25 de febreru, en que la resolución foi publicada nel Boletín Oficial del Principáu (BOPA).

Esta llinia de financiamientu que regula'l Plan Estatal de Vivienda 2018-2021 subvenciona obres de rehabilitación n'edificios y viviendes, incluyíes les unifamiliares, d'urbanización o reurbanización d'espacios públicos y de construcción d'edificios en sustitución d'otros baltaos, dientro d'esti tipu de zones de renovación urbana o rural primeramente delimitaes. Los ARRU tamién impulsen el desenvolvimientu sostenible de les edificaciones y una mayor eficiencia enerxética de les viviendes.

Les actuaciones realizaes nel marcu d'estes ayudes desenvuélvense siempre cuntando cola opinión del vecindariu, qu'aporta parte de los fondos pa la so execución.

En xunu de 2018 autorizóse la firma del conveniu de collaboración ente'l Principáu y el Ministeriu de Fomentu pa executar el plan estatal. Dolce conceyos asturianos, de menos de 5.000 habitantes, llevaron a cabu obres al amparu d'esta actuación en 2019.

Esti tipu de midíes van dirixíes a ameyorar les oportunidaes na zona rural asturiana y a reforciar los sos servicios. Según el director xeneral de la Vivienda, Fermín Bravo, la esperiencia d'años anteriores na aplicación d'esti programa demuestra que “la nuestra inversión multiplícase por trés nestos conceyos pequeños”.

La convocatoria nueva almite proyectos pal caltenimientu d'edificios y viviendes; la meyora de la eficiencia enerxética y la sostenibilidá; la reforma de les fachaes, azotees, cubiertes y cimentación; l'adecuación d'interiores de los pisos; la urbanización o reurbanización d'espacios públicos; los trabayos pa una mayor eficiencia ambiental en materia d'agua, enerxía, xestión de residuos y protección de la biodiversidá, y les obres de baltadera d'edificios.

Icono gráfico alusivo al tipo de archivo Audiu (Audiu: 276 Kb) (n'español

Información sobre el documento

© Copyright 2006. Gobiernu del Principau d'Asturies