Gobiernu del Principau d'Asturies

Asturies, muncho más cerca

Tas en

Asturias.es L’Idepa impulsa'l desenvolvimientu de 583 proyectos ...
 

Aniciu

L’Idepa impulsa'l desenvolvimientu de 583 proyectos empresariales que van xenerar inversiones por valor de 121 millones

Les subvenciones concedíes xuben a 23,5 millones y van dexar la puesta en marcha d'actuaciones en materia d'innovación, inversión, internacionalización y entamamientu. Les iniciatives sofitaes van facilitar la creación y el caltenimientu de 2. 825 puestos de trabayu

18/01/2020

L'Institutu de Desenvolvimientu Económicu del Principáu d'Asturies (Idepa), dependiente de la Conseyería d'Industria, Empléu y Promoción Económica, impulsó en 2019 el desenvolvimientu de 583 proyectos d'inversión por importe de 120,96 millones. Estes iniciatives dexaron la creación de 356 puestos de trabayu nuevos y el caltenimientu o afitamientu d'otros 2.469 empleos.

Per un llau, l’Idepa resolvió les 16 convocatories de subvenciones del exerciciu pasáu promovíes con fondos del Principáu pa favorecer la creación, la crecedera, la inversión, la innovación y la internacionalización de les empreses asturianes. Recibiéronse 781 solicitúes, de les que s'aprobaron 535, que van desenvolver 507 proyectos y van xenerar más de 72,7 millones d'inversión, amás de facilitar el caltenimientu de 1.356 puestos de trabayu. Pa promover la execución d'estos proyectos, l’Idepa concedió 17.989.522,09 euros.

Otra manera, l'institutu xestiona tamién trés convocatories d'ayudes a la inversión con fondos procedentes de l'Alministración Xeneral del Estáu. En 2019 aprobáronse 76 proyectos, con una inversión xenerada de 48 millones y una subvención concedida de 5.542.493,45 euros, lo qu'incidió en 1.469 empleos. Dalgunes d'estes solicitúes tamién optaron a los fondos propios del Idepa.

L’apoyu a la innovación, que representa la metá de les llinies convocaes, foi'l qu'atropó más solicitúes, con 370. En total aprobáronse 230 espedientes, que van realizar 202 proyectos y van xenerar cuasi 22,5 millones. Pa ello concediéronse un total de 8.973.048,75 euros, de los cualos cuasi 5,2 millones van dir destinaos a subvencionar les 94 piticiones recibíes nel marcu de los proyectos d'I+D, la de mayor cuantía económica.

Les cinco ufiertes d'ayudes a la inversión recibieron 212 solicitúes, de les que s'aprobaron 151. Van suponer una inversión superior a los 44,7 millones, a los que se concedió una subvención de 6.499.595,61 euros. Esto va repercutir na creación y el caltenimientu de 1.356 puestos de trabayu.

En 2019 publicóse una convocatoria nueva nesti apartáu, Ayudes al Tresformamientu Dixital, que cuntó con una bona acoyida al optar a ella 74 empreses. Finalmente, aprobáronse 50 proyectos, con una subvención de 836.000 euros, que van xenerar inversiones cercanes a los 3 millones.

La ufierta de subvenciones a la internacionalización recibió 170 solicitúes y aprobáronse 128, que van movilizar inversiones por valor de 3,5 millones y van recibir ayudes por un importe de 1.334.649,88 euros.

A lo último, los apoyos al entamamientu recibieron 29 piticiones, 26 d'elles aprobaes. La inversión xenerada va ser cercana a los 2 millones y la cuantía concedida xube a 1.182.227,85 euros.

Les subvenciones amparaes na mayoría de les convocatories del Idepa van poder ser cofinanciaes pol Fondu Européu de Desenvolvimientu Rexonal (Feder).

   Icono gráfico alusivo al tipo de archivo Audiu (Audiu: 446 Kb) (n'español)

Información sobre el documento

© Copyright 2006. Gobiernu del Principau d'Asturies