Gobiernu del Principau d'Asturies

Asturies, muncho más cerca

Tas en

Asturias.es Temes Cultura Cultura programa Una casa, de Higiénico Papel, dientro del III ...
 

Cultura

Cultura programa Una casa, de Higiénico Papel, dientro del III Festival «Nel Amaro» de Teatru Profesional en llingua asturiana

21/11/2019

El Teatru Filarmónica d'Uviéu va acoyer mañana la representación de la obra Una casa, al cargu de la compañía Higiénico Papel Teatro, que ye una de les finalistes qu'opten al III Premiu de Teatru Profesional «Nel Amaro» en llingua asturiana.

El Premiu «Nel Amaro» en llingua asturiana o gallego-asturianu convócase cola mira de consolidar, arriquecer y prestixar estes dos llingües nel ámbitu del arte dramático, y nesta tercer edición ta dotáu con 6.000 euros.

El xuráu, integráu por especialistes en teatru y llingua asturiana, va decidir la obra ganadora tres l'actuación de les cuatro compañíes finalistes, que tán actuando nesti mes de payares nel Teatru Filarmónica col calendariu siguiente.

Primero de la puesta n’escena, mañana vienres, d’Una casa por Higiénico Papel, yá representaron les sos obres dos finalistes: Ververemos, col espectáculu Muyeres inesperaes, y El Callejón del Gato, cola obra Crecer.

El vienres viniente, 29 de payares, Factoría Norte va rematar con Les rellaciones peligroses les representaciones de les obres finalistes del Premiu «Nel Amaro».

La entrada al Teatru Filarmónica pa presenciar estes actuaciones ye llibre, hasta enllenar l’aforu.

Información sobre el documento

© Copyright 2006. Gobiernu del Principau d'Asturies