Gobiernu del Principau d'Asturies

Asturies, muncho más cerca

Tas en

Asturias.es Temes Xusticia El Gobiernu d’Asturies condena l’agresión homófoba a un mozu nel ...
 

Xusticia

El Gobiernu d’Asturies condena l’agresión homófoba a un mozu nel Uvieo Antiguo

La conseyera de Presidencia, Rita Camblor, tresllada’l so apoyu a la víctima y amuesa la su repulsa a esta clas d’acciones, “que nun tienen sitiu nuna sociedá avanzada y de progresu como la nuestra”

05/07/2020

El Gobiernu d’Asturies condena l’agresión homófoba de la que foi víctima un mozu asturianu esta mañana nes cais del Uviéu Antiguo. La conseyera de Presidencia, Rita Camblor, treslladó “el sofitu del Principáu y la nuestra empatía, ciñu y respetu a la persona que sufrió esta agresión”, al empar que manifestó “la más absoluta repulsa a esta clas de fechos, ensin sitiu nuna sociedá avanzada y de progresu como la nuestra”.

Rita Camblor aseguró que, frente a les posiciones de determinaos grupos políticos que consideren innecesario llexislar contra estos delitos, “nel Principáu tamos convencíos de que ye menester facelo porque les manifestaciones de refugu, despreciu y violencia exercíes pola mor de la orientación sexual y la identidá de xéneru de les persones son daqué absolutamente intolerable y que ye menester desaniciar cuanto primero”.

Finalmente, la conseyera consideró “necesario siguir trabayando colos colectivos y los grupos políticos implicaos nesta causa pa garantizar la llibre espresión de la diversidá sexual y de la identidá de xéneru, y amosar un refugu absolutu contra LGTBIfobia”.

Información sobre el documento

© Copyright 2006. Gobiernu del Principau d'Asturies