Gobiernu del Principau d'Asturies

Asturies, muncho más cerca

Tas en

Asturias.es Temes Ociu y tiempo llibre El Principáu apuesta por convertir l'Asturies Paraísu Natural ...
 

Ociu y tiempo llibre

El Principáu apuesta por convertir l'Asturies Paraísu Natural International Cheese Festival nun gran eventu añal

El conseyeru de Desenvolvimientu Rural esplicó qu'esta primer edición, qu'acueye como actu central el World Cheese Awards 2020, va ser el puntu de partida pa dar a conocer la iniciativa. Alejandro Calvo preside la xunta constitutiva del comité d'organización, nel que tán representaes les alministraciones, la Universidá d'Uviéu y entidaes y organismos públicos y privaos

Un momentu de la xunta

06/02/2020

El conseyeru de Desenvolvimientu Rural, Agroganadería y Pesca, Alejandro Calvo, anunció güei que se ta trabayando, en collaboración col Conceyu d'Uviéu y l'Institutu del Quesu, pa que l’Asturies Paraísu Natural International Cheese Festival, conviértese nun eventu anual. Calvo destacó que va aprovechase la celebración del World Cheese Awards, actu central d'esta primer edición del eventu, pa dalo a conocer.

El titular de Desenvolvimientu Rural señaló que l'oxetivu ye crear “un festival alredor del mundu del quesu, teniendo en cuenta toles sinerxes qu'ufierten los nuestros productos y el nuestru sector agroalimentariu”. Añedió que supón una reconocencia al trabayu de llabradores, ganaderos y queseros.

Esti foi unu de los asuntos de los que s'informó nel comité d'organización del Asturies Paraísu Natural International Cheese Festival, que celebró esta mañana la so xunta constitutiva. Esti órganu consultivu, amás de cuntar con representantes de les alministraciones rexonal, local y nacional, tamién cunta cola Universidá d'Uviéu y entidaes y organismos públicos y privaos del sector queseru.

Asturies Paraísu Natural Cheese Festival va celebrase del 4 al 7 de payares n'Uviéu y va acoyer como actu central la 33 edición del concursu de quesos más importante del mundu y nel que ta previstu que participen más de 3.000 quesos y más de 300 xueces internacionales encargaos d'escoyer los meyores.

Ente les actividaes previstes, destaquen la celebración del primer congresu científicu del quesu, la participación de restauradores de prestixu y la creación d'un espaciu de fusión de gastronomía y de comedia abiertu al públicu denomináu Gastro Cheese Comedy. Amás, van entamase degustaciones, esperiencies y cates onde los Alimentos del paraísu van ser los protagonistes.

Icono gráfico alusivo al tipo de archivo Audiu (Audiu: 676 Kb) (n'español)

Información sobre el documento

© Copyright 2006. Gobiernu del Principau d'Asturies