Gobierno del Principado de Asturias

Asturias, mucho más cerca

Estás en

Aniciu Temes Servicios sociales Asturies acueye pela primera vez la celebración d’una de les ...
 

Servicios sociales

Asturies acueye pela primera vez la celebración d’una de les pruebes necesaries pa obtener la nacionalidá española

L’Institutu Cervantes diseña y entama l’exame, que va facese a últimos de cada mes na Facultá de Formación del Profesoráu y Educación de la Universidá d’Uviéu

d'esquierda a derecha, el rector de la Universidá d'Uviéu, Santiago García; el conseyeru d'Educación y Cultura, Genaro Alonso, y la directora xeneral d'Universidaes y Investigación, Cristina Valdés

25/03/2019

El conseyeru d’Educación y Cultura, Genaro Alonso, anunció güei qu’Asturies va acoyer pela primer vez la celebración de la Prueba de Conocencies Constitucionales y Socioculturales d’España, ún de los requisitos pa llograr la nacionalidá española, amás del exame de llingua castellana.

Alonso esplicó que l’Institutu Cervantes va ser l’encargáu d’ellaborar y entamar el test, que va facese a últimos de cada mes na Facultá de Formación de Profesoráu y Educación, n’Uviéu.

L’oxetivu de la prueba, que s’entama en dos grandes apartaos, ye evaluar la conocencia sobre la realidá social y la cultura españoles, amás de sobre la Constitución.

La Conseyería d’Educación y Cultura promovió a lo llargo de la llexislatura, xunto al sindicatu CC. OO., que la Universidá d’Uviéu fore la entidá responsable pa la realización d’estes pruebes n’Asturies. La fecha que se propón pa la celebración del primer exame ye’l 25 d’abril.

El conseyeru dio esta anuncia acompañáu pola directora xeneral d’Universidaes y Investigación, Cristina Valdés; el rector de la Universidá d’Uviéu, Santiago García; el decanu de la Facultá de Formación del Profesoráu y Educación, Celestino Rodríguez, y el secretariu xeneral de CC. OO. Asturies, José Manuel Zapico.

 

   Icono gráfico alusivo al tipo de archivo Audiu (Audiu: 779 Kb) (n'español)

Información sobre el documento

© Copyright 2006. Gobierno del Principado de Asturias