Gobiernu del Principau d'Asturies

Asturies, muncho más cerca

Tas en

Asturias.es Gobiernu El Gobiernu d’Asturies convoca ayudes de 42.000 euros p’asesorar ...
 

Gobiernu

El Gobiernu d’Asturies convoca ayudes de 42.000 euros p’asesorar a les esplotaciones agraries sobre’l control de plagues

La cuantía máxima por cada entidá que sofite l’aplicación d’estos programes ye de 6.000 euros

17/09/2020

La Conseyería de Mediu Rural y Cohesión Territorial convocó ayudes por valor de 42.000 euros p'asesorar a les esplotaciones agraries sobre'l control de plagues. Esta partida va dirixida a les Agrupaciones pa Tratamientos Integraos n'Agricultura (Atrias), constituyíes por pequeñes y medianes esplotaciones dedicaes a la producción primaria de productos agrícoles, que van ser les encargaes d'emprestar el serviciu.

Estes subvenciones dexen actuar sobre factores primordiales pa llograr alimentos de calidá por aciu la eliminación de plagues. Tamién contribúin a ameyorar les condiciones medioambientales y de trabayu nel mediu rural.

El máximu de l'ayuda a percibir por cada entidá qu'empreste servicios d'asesoramientu col que fin de que les esplotaciones apliquen programes de xestión integrada de plagues ye de 6.000 euros.

Anguaño, más de 80 esplotaciones disponen d'asesoramientu técnicu en producción de frutos pequeños, faba, pumar de sidra y uva.

Información sobre el documento

© Copyright 2006. Gobiernu del Principau d'Asturies