Gobierno del Principado de Asturias

Asturias, mucho más cerca

Estás en

Aniciu Temes Infraestructures y territoriu Rexistru de planiamientu y xestión urbanística La construcción de los accesos al Parque Empresarial del ...
 

Rexistru de planiamientu y xestión urbanística

La construcción de los accesos al Parque Empresarial del Principáu obliga a esviar el tráficu de salida d’Avilés camín d’Uviéu y Xixón

La carretera AS-392, autovía vieya AI-81, va tar zarrada dende les 22 hores de mañana, vienres, hasta les 14 hores del sábadu

21/03/2019

Les obres de construcción de los accesos al Parque Empresarial del Principáu d’Asturies (PEPA) van obligar a esviar el tráficu de salida d’Avilés en dirección escontra Uviéu y Xixón, dende les 22 hores de mañana y hasta les 14 hores del sábadu.

Los vehículos que circulen dende Avilés escontra cualquiera de les dos ciudaes mentaes van tener que salir obligatoriamente pela carretera AS-19 hasta l’enllaz de Tresona (Parque Ástur), y garrar ellí l’AS-392 (autovía vieya AI-81). Pela so parte, aquellos que vaigan camín d’Uviéu o Xixón pela N-632 (ronda d’Avilés) nun se van ver afectaos poles obres.

Amás, la entrada a Avilés pela AS-392 va funcionar con normalidá.

De la que tea cortao, va reforzase’l firme del tramu de l’AI-81 vieya cedíu pol Ministeriu de Fomentu al Principáu (1.680 metros). Tamién se va pintar la señalización horizontal y van ponese sistemes de contención d’automóviles.

La execución de los accesos al PEPA supera yá’l 95 % y la so finalización ta prevista pa esta primavera.

 

   Icono gráfico alusivo al tipo de archivo Imagen aérea (Pdf: 300 Kb)

Información sobre el documento

© Copyright 2006. Gobierno del Principado de Asturias