Gobiernu del Principau d'Asturies

Asturies, muncho más cerca

Tas en

Asturias.es Infraestructures saca a llicitación l'arreglu de dos carreteres ...
 

Aniciu

Infraestructures saca a llicitación l'arreglu de dos carreteres en Piloña y Valdés por un importe de 182.600 euros

18/05/2017

La Conseyería d'Infraestructures, Ordenación del Territoriu y Mediu Ambiente sacó güei a llicitación los trabayos de renovación del firme de dos carreteres de Piloña y Valdés, con un presupuestu total de 182.592 euros.

El concursu pal arreglu de la vía que da accesu a la localidá de Bargaéu, en Piloña, dende la carretera AS-255 (Villaviciosa-L’Infiestu) cunta con un presupuestu de 109.550 euros y un plazu d'execución de trés meses. Nesi períodu, va llimpiase la carretera y van iguase los desperfectos, pa lo que se va regular el firme y va estendese una capa de rodadura, depués de fresar y saniar onde sía menester.

Tamién se van reponer los accesos a les finques y va ameyorase’l drenaxe mediante la construcción de dellos tramos de cuneta. A lo último, van pintase les marques viales y van instalase barreres de seguridá y señales verticales en dellos tramos.

Per otra parte, la conseyería va invertir 73.042 euros na meyora de la carretera VA-4 que, con un llargor total de 860 metros, forma parte del itinerariu principal de comunicación de los núcleos de Carcéu y Vil.lar, en Valdés. L'actuación proyectada, que cunta con un plazu de cuatro meses, consiste na llimpieza xeneral del tramu, el reperfiláu de les cunetes y otros arreglos necesarios n'obres de fábrica y drenaxe.

El pavimentu va rehabilitase con una capa de regularización y otra de rodadura, dambes d'amiestu bituminosu caliente. Asina mesmo, va sustituyise la señalización vertical deteriorada, van reponese les marques viales y va reparase la barrera metálica de seguridá.

Información sobre el documento

© Copyright 2006. Gobiernu del Principau d'Asturies