Gobiernu del Principau d'Asturies

Asturies, muncho más cerca

Tas en

Asturias.es Temes Emplegu La Conseyería d'Educación refuerza’l vínculu coles cámares de ...
 

Emplegu

La Conseyería d'Educación refuerza’l vínculu coles cámares de comerciu pa impulsar la Formación Profesional dual

Genaro Alonso suscribió güei dos talos convenios de collaboración coles entidaes camerales d'Uviéu, Xixón y Avilés para favorecer l'aprendizaxe de profesoráu y alumnáu

De izquierda a derecha, el presidente de la Cámara de Comercio de Avilés, Luis Noguera; el consejero de Educación y Cultura, Genaro Alonso; el presidente de la Cámara de Comercio de Oviedo, Carlos Paniceres, y Luis Miguel Torres, vocal del comité ejecutivo de la Cámara de Comercio de Gijón, tras la firma de los acuerdos

17/10/2018

El conseyeru d'Educación y Cultura, Genaro Alonso, suscribió güei dos talos convenios de collaboración coles cámares oficiales de comerciu, industria, servicios y navegación d'Uviéu, Xixón y Avilés pa desenvolver esperiencies de Formación Profesional dual, ente otros aspectos.

L'oxetivu del alcuerdu ye reforzar el marcu de cooperación ente'l sector empresarial y l'ámbitu educativu p'ameyorar la conocencia que tienen les empreses de la redolada sobre los estudios de FP y facilitar les estancies formatives d'alumnáu y profesoráu por aciu’l desenvolvimientu del módulu d'aprendizaxe nos centros de trabayu.

Amás, van potenciase les esperiencies de FP dual y va averase la conocencia de la realidá empresarial y de la redolada empresarial a alumnos de les distintes etapes del sistema educativu que cursen estudios que la sofinalización trai una vinculación directa col mundu llaboral.

 

En concreto, va collaborar nes siguientes acciones:

 - Facilitar el desenvolvimientu de les estancies de formación del alumnáu n'empreses pa la realización de práctiques, mesmo nel campu de la formación profesional como nel d'otres enseñances profesionales de réxime especial.

 - Promover esperiencies de Formación Profesional dual.

 - Fomentar la ellaboración de materiales didácticos dirixíos a facilitar el llabor de los tutores de les empreses y l'asimilación de conceptos empresariales pol profesoráu de formación profesional.

 - Caltener y actualizar el censu d'empreses collaboradores qu'axunten los requisitos necesarios pa que l’alumnáu pueda realizar les práctiques nes sos instalaciones.

 - Facilitar el desarrollu de la formación del profesoráu d'esta especialidá y d'otres enseñances profesionales de réxime especial, como les artístiques y deportives, nel ámbitu empresarial, por aciu la participación de les compañíes en programes como Estancies formatives de profesoráu n'empreses.

 - Collaborar nel desenvolvimientu de proyectos d'aprendizaxe innovadores y nos planes d'espardimientu de la FP, según na orientación llaboral del alumnáu.

 - Espublizar y caltener actualizada xuna base de datos con empreses comenenciudes en participar nel proyectu Rutes llaborales pal desenvolvimientu d'esti programa.

  Icono gráfico alusivo al tipo de archivo Audiu (Audiu: 581 Kb) (n'español)

Información sobre el documento

© Copyright 2006. Gobiernu del Principau d'Asturies