Gobiernu del Principau d'Asturies

Asturies, muncho más cerca

Tas en

Asturias.es Temes Emplegu El Principáu zarra 2019 con 69.957 persones en paru, 2.847 menos ...
 

Emplegu

El Principáu zarra 2019 con 69.957 persones en paru, 2.847 menos qu’hai un añu

Asturies ye la tercer comunidá autónoma, depués del País Vascu y Castiella y Llión, con una mayor cayida interañal del desempléu y encadena yá más de seis años de descensos. El númberu d'afiliaos a la seguridá social crez en 3. 517 cotizantes en relación a avientu de 2018

03/01/2020

El paru rexistráu amenorgó n'Asturies en 2.847 persones n'avientu, un 3,91% al respective de finales de 2018, lo qu'asitió la cifra de desocupaos en 69.957. El Principáu foi la tercer comunidá autónoma con una mayor cayida interañal del desempléu, namás per detrás del País Vascu y Castiella y Llión. Amás, encadena yá más de seis años consecutivos, dende ochobre de 2013, de descensos interañales del paru.

L'amenorgamientu interañal rexistrose en dambos sexos y tolos sectores d'actividá. Destaquen los descensos ente los homes (-4,03%), nel grupu d'edá de 25 a 45 años (-8,89%) y, peor sectores, na construcción (-5,51%) y el colectivu ensin empléu anterior (-8,16%).

En relación a payares, el paru baxó un 1,30%, al contabilizase 920 paraos menos. Trátase del mayor descensu mensual depués d'Andalucía, Murcia y Baleares. Nesti sentíu, la directora del Serviciu Públicu d'Empléu (Sepepa), Pilar Varela, sorrayó l'amenorgamientu nel sector servicios (-2,28%) y nel colectivu de persones ensin empléu anterior (-4,14%).

Nel sector servicios, el descensu del númberu de paraos na hostelería y el comerciu representa'l 51% del rexistráu; y l'amenorgamientu nes actividaes de l'alministración pública, educación y servicios sanitarios y residenciales supón el 34% del total.

En términos mensuales, tamién destaca la cayida del paru en muyeres (-3,14%) y en menores de 45 años, con amenorgamientos del 6,09% nel casu de persones d'hasta 25 y del 2,24% nel colectivu de 25 a 45.

Por conceyos, el paru mengua en 41 conceyos; y n'Uviéu, Xixón, Llanes, Cangas, Mieres y Llangréu fa-ylo r penrcima de la media nacional.

Per otra parte, l'afiliación a la Seguridá Social creció nos postreros doce meses en 3.517 afiliaos (0,97%) hasta asitiase en 367.673 persones al términu del añu, el meyor datu pa un mes d'avientu dende 2011. En relación al mes de payares, el númberu de cotizantes amenorgóse un 0,13%, lo que supón 487 afiliaos menos.

La directora del Sepepa, Pilar Varela, manifestó que dende'l Gobiernu d'Asturies el retu “ye siguir trabayando nes polítiques actives d'empléu pa revertir la situación de desempléu y que cada vez seyan más les persones qu'atopen un trabayu na nuestra comunidá autónoma”.

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies