Gobiernu del Principau d'Asturies

Asturies, muncho más cerca

Tas en

Asturias.es La Conseyería de Presidencia convoca’l Premiu Realizadores ...
 

Aniciu

La Conseyería de Presidencia convoca’l Premiu Realizadores Nuevos en collaboración col Festival Internacional de Cine de Xixón

El curtiumetraxe ganador va recibir 5. 000 euros y va estrenase nel FICX 2019. El plazu pa presentar los trabayos va tar abiertu hasta’l 19 d’ochobre

30/09/2018

La Conseyería de Presidencia y Participación Ciudadana, al traviés del Institutu Asturianu de la Muyer y Polítiques de Mocedá, convoca la ventésima novena edición del programa de promoción de creadores mozos Culturaquí 2018, onde s’incluye’l Premiu Realizadores Nuevos, en collaboración col Festival Internacional de Cine de Xixón

Pa esti certame van almitise curtiumetraxes de tema llibre, en castellanu o asturianu, que nun superen los 25 minutos de duración. Los trabayos han incluyir: guión, presupuestu, plan de rodaxe, memoria de dirección, plan d’esplotación y formatu d’exhibición prevista. Tamién han precisar cualquier fonte de financiamientu adicional, acreitaciones necesaries, documentación, etcétera. El proyectu premiáu va recibir 5.000 euros y va estrenase nel Festival Internacional de Cine de Xixón (FICX) del añu que vien.

Los trabayos puen presentase hasta’l 19 d’ochobre nel Rexistru Xeneral de la Conseyería de Presidencia y Participación Ciudadana (C/ Eduardo Herrera Herrerita e/n, tercer planta, sector derechu) o per corréu certificáu a les dependencies del FICX (C/ Álvarez Garaya, 2, 4.u pisu, 33206 Xixón).

Culturaquí busca promover la creación artística xuvenil nes distintes modalidaes de les artes plástiques, la lliteratura o la música; fomentar la participación de mocedá con moliciones artístiques y difundir les manifestaciones culturales nel Principáu y fuera de la comunidá.

La participación ta abierta a cualquier artista que naciere o viva n’Asturies y que la so edá nun supere los 35 años a 31 d’avientu del 2018. Amás, puen optar descendientes d’emigrantes hasta segundu grau, una posibilidá que dende’l 2008 dexó internacionalizar el programa ensin arrenunciar a les bases d’asturianía sobre les que se sofita de magar se creó.

El Premiu Realizadores Nuevos surdió nel 2001 como midida pa promocionar ente la mocedá l’arte y la cultura, fomentar les actividaes artísticu y visual y favorecer l’interés pola esperimentación artística. 

   Icono gráfico alusivo al tipo de archivo Bases reguadoras programa CulturAquí (Imagen: 606 Kb)
   Icono gráfico alusivo al tipo de archivo  Cuadro resumen 2018 (Imagen: 308 Kb)

Información sobre el documento

© Copyright 2006. Gobiernu del Principau d'Asturies