Gobierno del Principado de Asturias

Asturias, mucho más cerca

Estás en

Aniciu La Fundación de la Enerxía recibe’l material donao pola empresa ...
 

Aniciu

La Fundación de la Enerxía recibe’l material donao pola empresa Baxi Roca pa formar a la ciudadanía nel usu racional de recursos

La compañía entregó güei a Faen dellos equipos d’enerxía solar térmico y fotovoltaico

foto de familia col conseyeru d'Empléu, Industria y Turismu, Isaac Pola, y el xefe de ventes de Baxi, Javier Lenzo, en primer fila, y l'equipu de Faen y Baxi

13/06/2019

El conseyeru d’Empléu, Industria y Turismu, Isaac Pola, recibió güei los materiales donaos pola empresa Baxi Roca pa facilitar les actividaes d’espardimientu que realiza la Fundación Asturiana de la Enerxía (Faen) pa formar a la ciudadanía nel usu racional de los recursos. Cola mira d’ayudar a esti llabor, la compañía entregó equipos d’enerxía solar térmico y fotovoltaico, concretamente dos minicaptadores solares térmicos planos, seccionaos dientro p’amosar los elementos que los componen, y un kit solar easy pv265 pa producir eletricidá en sistemes d’autoconsumu.

Faen y la empresa Baxi collaboren dende’l 2018 en xeres de formación nel campu de la eficiencia enerxética y la enerxía anovable.

Ente les funciones de Faen destaquen l’impulsu, la formación y la divulgación de tecnoloxíes d’aprovechamientu enerxéticu. Tamién collabora col Gobiernu d’Asturies, el Conceyu de Mieres y la Universidá d’Uviéu n’iniciatives pa encarar la transición enerxética. Amás, realiza actividaes d’investigación, desenvolvimientu y divulgación gracies al sofitu económicu de firmes como EDP, Acciona, Grupo Daniel Alonso, Hunosa, Producciones Energéticas Asturianas, Cantaber Generación Eólica o Green Capital Power, ente otres.

L’impulsu de soluciones enerxétiques en movilidá, l’aprovechamientu de recursos naturales y la optimización del diseñu y funcionamientu d’instalaciones centren el trabayu de la fundación, que coordina actuaciones de collaboración público-privada pa encarar proyectos de transición enerxética qu’ameyoren la competitividá d’Asturies y amenorguen l’impactu ambiental.

Al actu d’entrega de los materiales donaos por Baxi Roca asistieron tamién la directora xeneral de Minería y Enerxía, Belarmina Díaz; el director xeneral de FAEN, Juan Carlos Aguilera; los delegaos de Baxi Eulogio Prieto y José María Álvarez, y el so xefe de ventes, Javier Lenza.

 

Información sobre el documento

© Copyright 2006. Gobierno del Principado de Asturias