Gobiernu del Principau d'Asturies

Asturies, muncho más cerca

Tas en

Asturias.es Temes Deportes El Principáu convoca la primer xunta de la mesa de trabayu ...
 

Deportes

El Principáu convoca la primer xunta de la mesa de trabayu sobre'l futuru de la estación d'esquí Valgrande-Payares pal próximu vienres

La conseyera Berta Piñán va representar al Executivu nel alcuentru, nel que tamién van participar el Conceyu de L. lena y la Cámara de Comerciu d'Uviéu

15/12/2019

La conseyera de Cultura, Política Llingüística y Turismu, Berta Piñán, convocó la primer xunta de la mesa de trabayu sobre'l futuru de la estación iverniza de Valgrande-Payares pal próximu vienres, día 20. La mesma conseyera va representar al Gobiernu d'Asturies nel alcuentru, nel que van tar presentes tamién el Conceyu de L.lena y la Cámara de Comerciu d'Uviéu.

L'Executivu asturianu anunció'l pasáu martes la constitución de la mesa col enfotu de que les trés instituciones analicen en fondura la situación de la estación l.leniza dende tolos ámbitos y perspectives que puedan apurrir la meyor solución pal futuru del emblemáticu equipamientu.

L'oxetivu prioritariu que se marca'l Principáu nesti contestu ye alcordar un plan de trabayu que valore les necesidaes d'inversión y qu'analice la posibilidá de recurrir a víes de financiación alternatives.

La Conseyería de Cultura, Política Llingüística y Turismu, de la que depende directamente la estación iverniza, valora la relevancia deportiva y turística del equipamientu, al que considera una referencia socioeconómica nel conceyu. El presidente del Principáu, Adrián Barbón, y la conseyera Berta Piñán repitieron, al anunciar la creación de la mesa de trabayu, l'interés del Gobiernu por aprovechar tol potencial que puede ufiertar Valgrande-Payares como recursu económicu y atractivu turísticu de la zona.

Información sobre el documento

© Copyright 2006. Gobiernu del Principau d'Asturies