Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales El Principáu destina 200.000 euros a ayudes d'emerxencia para ...
 

Servicios sociales

El Principáu destina 200.000 euros a ayudes d'emerxencia para cubrir les necesidaes básiques de la colectividá asturiana en Venezuela

Asturies ye la primer comunidá qu'impulsa dos programes humanitarios para garantizar l'alimentu a families en situación de necesidá y cobertura sanitaria a persones con patoloxíes graves. L'Executivu yá desenvuelve otres iniciatives d'asistencia médica y de sofitu económicu p’atender les faltes de los 5. 803 emigrantes y descendientes que moren nel país

El consejero de Presidencia y Participación Ciudadana, Guillermo Martínez, y la directora general de Emigración y Cooperación al Desarrollo, Begoña Serrano

05/02/2019

El Gobiernu d'Asturies va impulsar dos nueves ayudes d'emerxencia, que sumen 200.000 euros, pa cubrir les necesidaes básiques de la colectividá asturiana residente en Venezuela. Les partíes van destinase a dos proyectos humanitarios de la Fundación España Salú pa l'alquisición d'alimentos per parte de persones y families con escasos recursos y a la cobertura sanitaria de pacientes con patoloxíes graves.

“Con esta iniciativa tratamos de desaniciar la grave situación que sufren les 5.803 persones que formen parte de la colectividá asturiana de Venezuela, y qu'afecta en mayor midida a les families con menores d'edá y a los cerca de 2.000 mayores de 65 años”, sorrayó'l conseyeru de Presidencia y Participación Ciudadana, Guillermo Martínez, na rueda de prensa pa presentar los nuevos programes.

La primer iniciativa, a la que se dediquen 135.000 euros, consiste na distribución de tarxeta-monederu prepagu pa la compra d'alimentos de primera necesidá en supermercaos y establecimientos comerciales. Van poder optar a esta ayuda emigrantes asturianos que nun reciban sofitos similares del Gobiernu d'España o quien escarezan de recursos pa garantizar la so alimentación. El Principáu prevé que s'apurran 750 ayudes de 180 euros añales.

Ottramiente, l'Executivu va dedicar otros 65.000 euros a garantizar l'atención sanitaria y farmacolóxica en casos d'estrema gravedá. “Anguaño, tenemos en marcha un programa similar pa persones d'avanzada edá, que da asistencia a 90 ancianos, y agora, col nuevu conveniu cola Fundación España Salú, garantizamos l'atención a otres persones que tamién riquen atención hospitalaria urxente”, esplicó'l conseyeru.



1,1 millones n'ayudes dende 2012

Estes iniciatives complementen y amplíen los programes desenvueltos pol Principáu para los emigrantes asturianos y los sos descendientes, a los que dende 2012 destináronse cerca de 1,1 millones, mesmo que n'atención sanitaria, ayudes individuales a persones ensin recursos y el sofitu económicu a los retornaos a Asturies. “Quixera poner en valor el nuesu compromisu para responder a esta emerxencia social que nos asitia como la primer comunidá autónoma, amás del Gobiernu d'España, n’apoyar los nuevos programes humanitarios de la Fundación España Salú en Venezuela”, destacó Martínez.

Estes nun son les úniques ayudes d'emerxencia impulsaes pol Executivu autonómicu pa Venezuela, pos a finales de 2018 el Conseyu de Gobiernu autorizó una subvención de 60.000 euros pa que Cruz Bermeya Española diera cobertura a migrantes y refuxaos venezolanos en situación de vulnerabilidá qu'abandonaron el país y asitiáronse n'Ecuador y Perú.

“Estes persones nun fuxir d'un conflictu armáu, sinón de la escasez d'alimentos y medicines, de los salarios baxos y de la hiperinflación. La probeza estrema afecta yá al 61,2% de la población; por esti motivu, con estos nuevos programes, reafirmamos el nuesu compromisu y sensibilidá cola colectividá asturiana en Venezuela”, indicó'l conseyeru.

 

   Icono gráfico alusivo al tipo de archivo Audio (Audio: 3 Mb)

Información sobre el documento

© Copyright 2006. Gobiernu del Principau d'Asturies