Gobiernu del Principau d'Asturies

Asturies, muncho más cerca

Tas en

Asturias.es Temes Pesca El Principáu y les cofraderíes de marineros analicen la ...
 

Pesca

El Principáu y les cofraderíes de marineros analicen la situación del sector y les posibles midíes compensatories

La costera de la xarda sigue n’Asturies y, hasta’l momentu, consumióse’l 21 % de la cuota asignada p’anguaño, qu’algama los 1.800.000 quilos

27/03/2020

El director xeneral de Pesca Marítima, Francisco González, analizó güei la situación de la flota asturiana col presidente de la Federación de Cofraderíes de Marineros del Principáu, Adolfo García, y colos máximos responsables de les asociaciones del sector. Tamién los informó sobre los asuntos trataos na xunta cola Secretaria Xeneral de Pesca del Ministeriu d’Agricultura, Pesca y Alimentación y los directores xenerales de les comunidaes del Cantábricu Noroeste.

Les alministraciones estudien la posibilidá d’impulsar midíes compensatories de resultes de la crisis sanitaria provocada pol COVID-19. Nesti sentíu, Francisco González avanzó que’l Principáu trabaya sobre delles variables que puen influyir si a la fin s’aprueben eses ayudes, bien por parada d’actividá o bien por perda de rentabilidá.

Anguaño, el segmentu de flota mayoritaria n’Asturies atópaseopar en plena costera de la xarda, con una cuota asignada de 1.800.000 quilos p’anguaño. Tres d’unos díes de pesca, el consumu d’esta cuota asítiase nel 21 %.

Como la xarda ye una especie migratoria, la flota del Cantábricu Noroeste amuésase favorable a siguir cola pesquería de momentu, tal como se punxo de manifiestu na xunta celebrada ayeri cola Secretaria Xeneral de Pesca del Ministeriu.

Francisco González tamién treslladó a los responsables del sector n’Asturies la bona disposiciónr amosada pol Gobiernu d’España pa buscar soluciones. Amás, informólos sobre les xestiones que se tán llevando a cabu pa llograr cuotes adicionales provinientes de los intercambeos ente especies (swaps), una midida que s’espera zarrar nes selmanes vinientes.


Icono gráfico alusivo al tipo de archivo Audiu (Audiu: 546 Kb) (n'español)

Información sobre el documento

© Copyright 2006. Gobiernu del Principau d'Asturies