Gobiernu del Principau d'Asturies

Asturies, muncho más cerca

Tas en

Asturias.es Temes Industria y enerxía Directivos de seis firmes asturianes participen mañana nun ...
 

Industria y enerxía

Directivos de seis firmes asturianes participen mañana nun debate sobre les estratexes de les empresas frente al cambiu climáticu

- L'actu, que se celebra n'Avilés, ta orgamizáu pol Gobiernu del Principáu en coincidencia col Cume del Clima (COP25). -Nel coloquiu, baxo’l nome Tiempo de actuar en la empresa, van participar representantes d’Alsa, ArcelorMittal, Asturiana de Zinc, EDP, Dupont y Saint-Gobain

12/12/2019

La viceconseyera de Mediu Ambiente y Cambéu Climáticu, Nieves Roqueñí, y la directora xeneral de Calidá Ambiental y Cambéu Climáticu, Paz Orviz, van asistir mañana n'Avilés al alderique que, sol títulu Tiempu d'actuar na empresa, va celebrase nel Centru Niemeyer, entamáu pol Gobiernu d'Asturies nel marcu del Cume del Clima (COP25), que se desenvuelve estos díes en Madrid.

Nesta actividá van participar directivos de delles de les empreses más relevantes que desenvuelven la so actividá n'Asturies, como Alsa, ArcelorMittal, Asturiana de Cinc, EDP, Dupont y Saint-Gobain, que van tar moderaos pol periodista y editor de TPA Ceferino Vallina. Los empresarios van disertar, ente otros asuntos, sobre la situación del so sector frente a los oxetivos d'una Europa climáticamente neutra, la integración de la variable climática na so toma de decisiones, los riesgos que podríen derivase pa la so actividá económica nel Principáu, y les oportunidaes tecnolóxiques, ambientales y comerciales que prevén pa la próxima década.

Asturies ye una rexón intensiva n'emisiones de dióxidu de carbonu. Sicasí, les empreses asitiaes nel territoriu tán incluyendo yá'l cambéu climáticu nes sos estratexes corporatives col fin d'amenorgar la so buelga de carbonu y aprovechar les oportunidaes que se deriven del nuevu marcu estratéxicu na materia.

   Icono gráfico alusivo al tipo de archivo Cumbre clima (Pdf: 140 Kb) (n'español)

Información sobre el documento

© Copyright 2006. Gobiernu del Principau d'Asturies