Gobiernu del Principau d'Asturies

Asturies, muncho más cerca

Tas en

Asturias.es La Dirección Xeneral de Planificación Llingüística y ...
 

Aniciu

La Dirección Xeneral de Planificación Llingüística y Normalización y l'Institutu Asturianu de la Mocedá entamen Entaína a escribir. Tercer concursu de microrrellatos improvisaos n’asturianu pa la xente mozo

Les inscripciones van poder facese hasta'l 2 de mayu. El concursu va desenvolvese na sala Borrón el día 8 de mayu nel marcu de la 39 Selmana de les Lletres Asturianes

16/04/2018

Nel marcu de la Selmana de les Lletres Asturianes, la Dirección Xeneral de Planificación Llingüística y Normalización y l'Institutu Asturianu de la Mocedá entamen Entaína a escribir. Tercer concursu de microrrellatos improvisaos n’asturianu pa la xente mozo.

Van poder participar quienes tengan ente 14 y 35 años d'edá y s’inscriban mandando un mail a cridj@asturias.org. Nesi corréu tendrán d'incluyir namás el so nome, dos apellíos y fecha de nacimientu. Les inscripciones van poder facese hasta'l 2 de mayu del 2018 a les 14.00 hores.

El concursu va consistir na ellaboración d'un microrrellatu nun tiempu máximu de 20 minutos, a partir del tema y indicaciones que'l xuráu dicte nel momentu d'empezar a escribir.

El concursu va desenvolvese na sala Borrón el día 8 de, a partir de les 19.30 hores.

Toles persones participantes van recibir un llibru como regalu.

Van concedese tres premios consistentes en llotes de llibros y discos. Amás, el ganador o ganadora va participar como xuráu nos premios Culturaquí 2018 que convoca l´Institutu Asturianu de la Mocedá. Otra Manera, la Dirección Xeneral de Planificación Llingüística y Normalización va mirar pola promoción y divulgación de los microrrellatos ganadores y va poder incluyilos en publicaciones o antoloxíes qu'edite.

Información sobre el documento

© Copyright 2006. Gobiernu del Principau d'Asturies