Gobierno del Principado de Asturias

Asturias, mucho más cerca

Estás en

Aniciu Gobiernu Hemeroteca El Principáu aguarda la decisión xudicial pa siguir col ...
 

Hemeroteca

El Principáu aguarda la decisión xudicial pa siguir col procedimientu sancionador abiertu a la residencia La Fontana d'Avilés

El centru priváu de mayores presentó un recursu para paralizar el zarru cautelar decretáu por Servicios Sociales

05/04/2019

La Conseyería de Servicios y Derechos Sociales permanez a la espera de que'l xulgáu se pronuncier sobre'l recursu interpuestu polos propietarios de la residencia de persones mayores La Fontana d'Avilés énte'l zarru cautelar del centru alcordáu pol Principáu nuna resolución del pasáu 22 de marzu. El Gobiernu yá apurrió tola documentación ya información relativa al espediente analizáu nel procedimientu xudicial.

La resolución daba un plazu de 10 díes hábiles pal zarru voluntariu de les instalaciones, un periodu que conclúi güei. Cuidao que el centru priváu presentó un recursu de paralización d'esta actuación cautelar, l'Alministración va tener d'esperar a la decisión xudicial, y a que sía comunicada oficialmente a les partes, pa prosiguir col procedimientu sancionador abiertu.

La conseyería púnxose en contactu nuevamente colos familiares de los usuarios qu'entá permanecen nel centru pa caltene-los informaos de manera directa sobre esta circunstancia.

Cabe recordar qu'al pie de la midida de suspensión de funcionamientu, tomada nel senu del procedimientu sancionador abiertu, la conseyería tien en marcha otru procesu pa la posible revocación de l'autorización de prestación de servicios d'atención residencial a persones mayores.

El Gobiernu adoptó estes midíes depués del atestáu policial recibíu nel serviciu d'inspección de la conseyería, nel que se detallaba una actuación llevada a cabu poles fuerces de seguridá fai dos fines de selmana.

 

Información sobre el documento

© Copyright 2006. Gobierno del Principado de Asturias