Gobiernu del Principau d'Asturies

Asturies, muncho más cerca

Tas en

Asturias.es Temes Xusticia El Principáu collabora col Gobiernu central pa garantizar la ...
 

Xusticia

El Principáu collabora col Gobiernu central pa garantizar la prestación de los servicios esenciales en Xusticia

La conseyera Rita Camblor y la viceconseyera Encarnación Vicente participaron n'una videoconferencia col ministru para analizar los efectos del COVID-19 nesta materia. L'actividá xudicial baxó de forma notable, anque se caltién l'asistencia básica con un 10% de la plantiya. Los médicos forenses que trabayen para los tribunales pónense al serviciu de les autoridaes sanitaries

20/03/2020

La conseyera de Presidencia, Rita Camblor, treslladó güei al Gobiernu central tola collaboración del Principáu col Ministeriu de Xustica pa siguir garantizando la prestación de los servicios esenciales. Tamién repitió la necesidá de caltener la coordinación en tolos aspectos qu'afecten a esti sector.

Camblor y la viceconseyera de Xusticia, Encarnación Vicente, caltuvieron güei una xunta por videoconferencia col ministru de Xusticia, Juan Carlos Riolo, y representantes del Conseyu Xeneral del Poder Xudicial, de la Fiscalía Xeneral del Estáu y de les comunidaes con competencies nesta materia p’ analizar los efectos de la pandemia del COVID-19.

Na xunta, abordóse la prestación de los servicios esenciales na Alministración de Xusticia mientres l'estáu d'alarma que, de manera xeneral, tán funcionando con normalidá. Tamién s'analizó l'impactu na actividá xudicial que, nesta selmana, menguó de forma notable, con unos servicios mínimos de daqué más del 10% de la plantiya. Amás, tratáronse aspectos como la seguridá llaboral del personal al serviciu de los xulgaos y fiscalíes.

Tamién se valoró la ufierta de los médicos forenses de collaborar coles autoridaes sanitaries para facer frente a esta crisis.



El Ministeriu de Xusticia asume la coordinación

Per otra parte, el Boletín Oficial del Estáu (BOE) publica güei una disposición pola que s'encamienta al Ministeriu de Xusticia la coordinación de l'actividá profesional de los cuerpos de funcionarios d'esti sector en tol Estáu, lo mesmo que de los servicios públicos emprestaos al traviés de los colexos profesionales; en particular, el turnu d'oficiu y l'asistencia xurídica gratuita.

N'aplicación d'esta disposición, el ministeriu va poder adoptar les resoluciones necesaries pa garantizar una aplicación homoxénea de los servicios esenciales, protexer los derechos y llibertaes de la ciudadanía y siguir los encamientos establecíos pol Ministeriu de Sanidá para salvaguardar la salú pública.

Información sobre el documento

© Copyright 2006. Gobiernu del Principau d'Asturies