Gobiernu del Principau d'Asturies

Asturies, muncho más cerca

Tas en

Asturias.es Gobiernu El Gobiernu d'Asturies interrumpe'l serviciu d'autobús al ...
 

Gobiernu

El Gobiernu d'Asturies interrumpe'l serviciu d'autobús al aeropuertu dende'l llunes, al cancelase tolos vuelos regulares

El tresporte públicu al aeródromu va emprestar serviciu mañana y el domingu pa les llegaes y salíes a Madrid. Iberia y Vueling caltuvieron una operativa mínima, enfocada principalmente a la torna de persones que taben nel estranxeru

08/04/2020

El Gobiernu d'Asturies va suprimir dende'l llunes, día 13 el tresporte públicu d'autobuses al aeropuertu, una vegada que l'aeródromu nun prevé tener vuelos regulares dende esi día hasta, pelo menos, el 29 d'abril. Por ello, interrúmpese'l serviciu dende Uviéu, Xixón, Avilés y Castrillón hasta que se recupere la normalidá operativa.

Los autobuses van caltener el serviciu nes llegaes y salíes de los vuelos a Madrid qu'Iberia tien programaos pa mañana, xueves, y el domingu. Vueling realizó l'últimu vuelu a Barcelona'l llunes pasáu.

Desque entró en vixencia l’estáu d'alarma, Iberia y Vueling caltuvieron una operativa mínima n'Asturies, enfocada principalmente a la torna de persones que s'atopaben nel estranxeru. El serviciu d'autobuses del Consorciu de Tresportes d'Asturies caltuvo un serviciu esclusivu pa los usuarios d'estos vuelos, cola mira de dexar el treslláu de los pasaxeros a les ciudaes y evitar posibles aglomeraciones na terminal.

Dende'l 15 de marzu, hasta güei, operaron namás 2 vuelos a Málaga, 2 a Sevilla, 3 a Alicante, 1 a Valencia, 10 a Barcelona y 25 a Madrid.

Información sobre el documento

© Copyright 2006. Gobiernu del Principau d'Asturies