Gobiernu del Principau d'Asturies

Asturies, muncho más cerca

Tas en

Asturias.es Temes Pesca El Principáu apoya con más de 900.000 euros el relevu ...
 

Pesca

El Principáu apoya con más de 900.000 euros el relevu xeneracional, la creación d’empleu y l’anovación nel sector pesqueru

El 78% de los fondos va financiar les estratexes de desenvolvimientu participativu de los siete grupos d'acción local d'Asturies. El restu de la partida destínase a la incorporación de mocedá a la pesca y a l'adaptación de los barcos

29/05/2020

La Conseyería de Desenvolvimientu Rural, Agroganadería y Pesca convocó ayudes por 932.606 euros pal desarrollu d'acciones que fomenten el relevu xeneracional, la creación d'empléu y la innovación nel sector pesqueru. Estes llinies de sofitu tán cofinanciaes pola Unión Europea (UE) al traviés del Fondu Européu Marítimu y de la Pesca (Femp).

Les ayudes pa l'aplicación de les estratexes de desenvolvimientu local participativu (GALP), que sencaminen al traviés de los siete grupos d'acción local de pesca del Principáu, son tresañales y tán dotaes con 732.606 euros (78,5%), de los que 74.505 son para esti exerciciu y 458.100, pal próximu. Tán dirixíes a entidaes locales privaes y ensin ánimu d'arriquecimientu pa impulsar proyectos que cumplan los siguientes oxetivos:

  • Aumentu del valor, creación d'empléu, atracción de mocedá y promoción de la innovación en toles fases de la cadena de suministru de los productos de la pesca y la acuicultura.
  • Sofitu a la diversificación dientro o fuera del sector comercial, al aprendizaxe permanente y a la creación d'empléu en zones pesqueres y acuícolas.
  • Impulsu y aprovechamientu del patrimoniu medioambiental de les zones pesqueres y acuícolas, incluyíes les operaciones de mitigación del cambéu climáticu.
  • Fomentu del bienestar social y del patrimoniu cultural de les zones pesqueres y acuícolas, incluyíu'l patrimoniu cultural pesqueru, acuícola y marítimu.
  • Refuerzu del papel de les comunidaes pesqueres nel desenvolvimientu local y de la gobernanza de los recursos pesqueros y actividaes marítimes locales.

Dende 2016 concediéronse 2.004.148 euros en subvenciones d'esti tipu, que favorecieron la puesta en marcha d'iniciatives singulares de diversificación pesquera, la restauración d'elementos del patrimoniu marineru o la incorporación de sistemes d'enerxía anovables, como'l proyectu de la Confrería de Bustiu, que sustituyó la eletricidá por enerxíes llimpies.



Meyora de la seguridá de les embarcaciones

La conseyería tamién destina anguaño 200.000 euros (21,5%) a ameyorar la salú y la seguridá nos buques, aumentar la eficiencia enerxética y apangar el cambéu climáticu. Tamién va facilitar el relevu xeneracional con cuenta deque la mocedá pueda desenvolver el so propiu proyectu vital venceyáu a la mar. Asina, los marineros con cinco años d'esperiencia pueden optar a una ayuda p’adquirir el so primer barcu. Dende la puesta en marcha d'estes subvenciones, en 2018, construyéronse cuatro nueves embarcaciones.

Información sobre el documento

© Copyright 2006. Gobiernu del Principau d'Asturies