Gobiernu del Principau d'Asturies

Asturies, muncho más cerca

Tas en

Asturias.es Temes Seguridá pública Escuela de seguridá pública El Principáu y les empreses de riesgu químicu refuercen el so ...
 

Escuela de seguridá pública

El Principáu y les empreses de riesgu químicu refuercen el so compromisu en materia de seguridá cola instalación d'un sistema acústicu d'alerta a la población

La rede va cuntar con 31 serenes allugaes en zones estratéxiques de los distintos establecimientos industriales. L'oxetivu ye avisar con rapidez a la ciudadanía pa qu'adopte midíes de autoprotección en casu d'accidente. El proyectu va llevase a cabu nel períodu 20182021 y va suponer una inversión de más de 1,2 millones. El conseyeru de Presidencia destaca la firme voluntá del Gobiernu por avanzar na protección de la población y recuerda qu'Asturies foi la primer comunidá n'adaptase a los cambeos derivaos de la directiva Seveso

De izquierda a derecha, Fernando Rey , responsable de Seguridad Industrial y Bomberos de ArcelorMittal; Gonzalo Losada, director técnico de Prointega, empresa encargada del proyecto; Eugenio García, gerente del SEPA; el consejero de Presidencia y Participación Ciudadana, Guillermo Martínez, y Pablo Crabriffosse Vigil-Escalera, director de Seguridad y Desarrollo Operativo de la Autoridad Portuaria de Gijón

06/11/2018

El Gobiernu del Principáu y les trece empreses de riesgu químicu qu'operen n'Asturies reforzaron güei el so compromisu en materia de seguridá cola puesta en marcha d'un nuevu sistema acústicu d'avisu d'emerxencies que va sollertar a la ciudadanía énte situaciones de riesgu por accidentes graves.

El Principáu foi la primer comunidá n'adaptase a los cambeos derivaos de l'aprobación del Real Decretu 840/2015, de 21 de setiembre, pol que s'aprobaron midíes de control de los riesgos inherentes a los accidentes graves con sustancies peligroses, adaptando pa ello la directiva 2012/18/UE, conocida como directiva Seveso. Amás, ye la quinta autonomía qu'esplega una rede d'avisu acústicu a la población, tres el País Vascu, Cataluña, Galicia y Andalucía.

El conseyeru de Presidencia y Participación Ciudadana, Guillermo Martínez, que presentó'l nuevu sistema xunto colos representantes de les compañíes, destacó qu'esta midida respuende por “la firme voluntá del Gobiernu d'Asturies y de les empreses industriales p'avanzar nos mecanismos de protección y alerta a la población”, col fin d'embrivir los riesgos énte accidentes que riquen l'activación de los planes d'emerxencia esterior. La iniciativa, añedió, tamién quier “poner a disposición de la ciudadanía les ferramientes que-y permiten adoptar les midíes de autoprotección necesaries”.

Al so xuiciu, la implantación del nuevu sistema constitúi un exemplu de collaboración ente l'Alministración autonómica y el sector empresarial, yá que foi el resultáu de los alcuerdos alcanzaos pol grupu de trabayu sobre'l Plan Especial de Protección Civil de Riesgu Químico del Principáu (Plaquimpa), del que formen parte'l Serviciu d'Emerxencies del Principáu (Sepa) y les empreses sometíes a la directiva Seveso de prevención d'accidentes graves n'establecimientos industriales: Fertiberia, ArcelorMittal, Compañía Loxística de Hicrocarburos (CLH), Asturiana de Cinc (AZSA), Celuloses d'Asturies (CEASA), EDP España, DuPont, Enagás, Petróleos Asturianos, Alcoa Inespal Avilés, Industrial Química del Nalón, Repsol Butanu y Orovalle Minerals.

La collaboración que caltienen el Principáu y estes firmes dende va venti años dexó finxos como l'aprobación, en 2005, de los trés primeros planes d'emerxencia esterior y la creación, cuatro años depués, d'una mesa de trabayu pa la implantación de dispositivos d'intervención de los qu'anguaño disponen trece empreses industriales.

Rede con 31 serenes

La rede d'alerta va cuntar con 31 serenes allugaes estratéxicamente en cuatro zones, consensuaes ente'l Sepa, les empreses, los conceyos y otros organismos implicaos, como l'Autoridá Portuaria de Xixón o Cadasa, en función de la so facilidá d'implantación.

   - Zona d’Avilés: Azsa (Asturiana de Zinc, S.A.), Alcoa Inespal Avilés, Fertiberia, ArcelorMittal Avilés, Dupont.

   - Zona de Xixón: Repsol (nes sos instalaciones na Campa Torres), Térmica Aboño CTA y Arcelor Mittal Xixón. Nel Puertu de Xixón: CLH - Enagás – Petróleos Asturianos – Galp – Repsol (en sus instalaciones en el Puertu de Xixón).

   - Zona d’Uviéu: Química del Nalón (IQN-Trubia).

   - Zona de Balmonte/Tinéu: Orovalle Minerals.

L'oxetivu ye reforzar el sistema d'avisos a la población y sollertala con rapidez en casu de cualquier accidente grave que pueda afectar al esterior de les instalaciones industriales. La so activación va sirvir por que los habitantes de les zones próximes apliquen los conseyos básicos de autoprotección énte esti tipu d'emerxencies.

Les serenes van activase al traviés d'un centru de control allugáu nes instalaciones del Sepa en La Morgal (Llanera), onde se va realizar un diagnósticu continuu. Amás, van instalase dos centros secundarios pa les zones d'Avilés, en Du Pont, y de Xixón, nes instalaciones portuaries.

La zona de cobertoria de la señal acústica ye la área d'intervención de les distintes hipótesis accidentales previstes nos Plaquimpas. La presión sonora, qu'a lo menos tien de ser de 65 decibelios, cubre l’área d'intervención de los accidentes más graves que se contemplen.

 

Procedimientu d'actuación

En casu de que se produza un accidente qu'afecte al esterior de la empresa, van activase les serenes, que van emitir l'alerta. Esta señal cunta con cinco ciclos completos d'un minutu de duración d'un soníu trémbole con 5 segundos de silenciu, que se va repitir siquier en trés causes.

 

Aviso de alerta

Este aviso supone que la población que se encuentre dentro del área afectada deberá aplicar las medidas de autoprotección que se especifican a continuación y que fundamentalmente son de confinamiento:

   - Si está en la calle o en el coche, protéjase las vías respiratorias con pañuelos o paños y refúgiese en el local más próximo.

   - Cierre puertas y ventanas (baje las persianas si es posible) y aléjese de ellas. Coloque paños húmedos en las rendijas.

   - Si es posible, suba a los pisos más altos. Evite sótanos, garajes u otros bajos de las edificaciones.

   - Desconecte el gas y la corriente eléctrica.

   - Conecte una radio a pilas y permanezca a la escucha de las emisoras locales, a través de las que el Sepa comunicará las instrucciones que debe seguir la población.

Finalizada la emergencia, el sistema acústico de avisos emitirá un sonido para que la población pueda volver a la normalidad.

 

Avisu de final d’alerta

El final de l’alerta va anunciase con una señal continua de serena 30 segundos.

La implantación del sistema acústicu d'avisos a la población va realizase ente esti añu y 2021 y va suponer una inversión de 1.214.560 euros qu'inclúi, amás del costu d'instalación de les serenes de cada empresa, el de los centros de control, el sistema de comunicaciones, les aplicaciones y el software, ente otros.

La instalación va dir acompañada d'una serie d'actuaciones pa reforzar la información a la ciudadanía. Asina, va editase un trípticu que se va distribuyir ente la población allugada nes árees d'influencia del sistema d'avisos y va esplicar la manera d'actuar en casu d'accidente. Esta documentación tamién va tar disponible al traviés de les páxines web del Sepa y de les mesmes empreses. Amás, antes de rematar esti añu, va llevase a cabu un exerciciu prácticu d'activación de serenes n'unu de los establecimientos afectaos.

   - (Axúntense mapes de localización de serenes con zones d'influencia y presión sonora, que va ente los 65 y 85 decibelios)

 

 

 

 

   Icono gráfico alusivo al tipo de archivo Audio2 (Audio: 689 Kb)
   Icono gráfico alusivo al tipo de archivo Ver nota de prensa completa (Pdf: 458 Kb)

   Icono gráfico alusivo al tipo de archivo Mapa I (Avilés) (Imagen: 1 Mb)
   Icono gráfico alusivo al tipo de archivo Mapa II (Gijón) (Imagen: 1 Mb)
   Icono gráfico alusivo al tipo de archivo Mapa III (Oviedo) (Imagen: 1 Mb)
   Icono gráfico alusivo al tipo de archivo Mapa IV (Orovalle) (Imagen: 1 Mb)

Información sobre el documento

© Copyright 2006. Gobiernu del Principau d'Asturies