Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances Servicios Tributarios El Gobiernu d’Asturies y l’Axencia Tributaria reediten dende ...
 

Servicios Tributarios

El Gobiernu d’Asturies y l’Axencia Tributaria reediten dende güei’l programa conxuntu d’ayuda pa ellaborar la declaración de la renta

La conseyera de Facienda cifra en 85. 562 los contribuyentes que se beneficiaron d’esti serviciu d’asesoramientu na campaña pasada. Dolores Carcedo visitó güei la oficina n’Uviéu del ente públicu, que va tar abierta hasta’l 1 de xunetu

D'esquierda a derecha: El delegáu de l'Axencia Tributaria n'Asturies, José Ignacio Rollán; el vicedecanu del Colexu d'Economistes d'Asturies, Abel Fernández; la conseyera de Facienda y Sector Públicu, Dolores Carcedo; y la directora xeneral de Finances y Economía, Mar García Salgado

14/05/2019

El Gobiernu d’Asturies y l’Axencia Tributaria punxeron en marcha un añu más el programa que lleven a cabu de manera conxunta p’ayudar a los contribuyentes a rellenar la declaración del Impuestu sobre la Renta de les Persones Físiques (IRPF). Esti serviciu va caltenese hasta’l 1 de xunetu.

Les plataformes conxuntes asítiense n’Uviéu, Avilés y Xixón, onde tamién participa’l Conceyu. Amás, el Principáu va dar el serviciu d’asesoramientu n’otres seis localidaes: Llanes, La Pola Llaviana, Siero, Tinéu, Navia y A Veiga. Un total de 29 universitarios con formación en materia tributaria, distribuyíos nestes nueve oficines, van participar na campaña al traviés del conveniu soscritu pol Executivu autonómicu y el Colexu d’Economistes d’Asturies pa reforzar l’equipu técnicu qu’atiende a los usuarios.

La conseyera de Facienda y Sector Públicu, Dolores Carcedo, visitó güei la oficina d’Uviéu, acompañada pol delegáu de l’Axencia Tributaria n’Asturies, José Ignacio Rollán, y la directora xeneral de Finances y Economía, Mar García Salgado.

Carcedo valoró’l programa de collaboración que’l Principáu y l’Axencia Tributaria desenvuelven dende 1998 pola so utilidá pa los contribuyentes y la demanda tan importante que xenera. Na campaña pasada tramitáronse 85.562 declaraciones al traviés del sistema de cita previa.

 

Información sobre el documento

© Copyright 2006. Gobiernu del Principau d'Asturies