Gobierno del Principado de Asturias

Asturias, mucho más cerca

Estás en

Aniciu Temes Infraestructures y territoriu Infraestructures nel Principáu Desarrollu Rural invierte 1.150.000 euros na rede de caminos de ...
 

Infraestructures nel Principáu

Desarrollu Rural invierte 1.150.000 euros na rede de caminos de la concentración parcelaria de San Tiso d’Abres

La conseyera María Jesús Álvarez visitó güei les obres de los viales, que formen parte de la segunda fase de l'actuación y van concluyir a finales d'añu

04/07/2019

La Conseyería de Desarrollu Rural y Recursos Naturales destinó 1.150.000 euros a la execución de la rede de caminos de la segunda fase de la concentración parcelaria de montes de Santiso d'Abres, según manifestó güei la conseyera María Jesús Álvarez, mientres la so visita a la zona. El plazu d'execución de los viales ye de 24 meses y va concluyir a finales d'añu.

Álvarez señaló que se van construyir un total de 65 kilómetros d'accesos, de cuatro metros d'ancho, para dar serviciu a les finques de la concentración. Les característiques de los nuevos caminos van dexar el tránsitu de los vehículos agrícoles más modernos.

El proyectu d'esta segunda fase de la concentración, publicáu apocayá, afecta a 1.944 hectárees estremaes en 7.231 parceles, que van ser reemplazaes por 875 finques pertenecientes a 508 propietarios.

La titular de Desenvolvimientu Rural esplicó que les concentraciones parcelaries inclúin la meyora de la rede de caminos de la zona, “lo que permite una xestión más eficiente", y ufierten seguridá xurídica a los titulares de los terrenos, que cunten colos sos títulos de propiedá.

"Les concentraciones parcelaries constitúin una de les acciones de política agraria más relevantes de la conseyería, porque tamos convencíos de que solo una base territorial afayadiza permite una xestión eficiente de los montes y de les ganaderíes", sorrayó Álvarez.

 

   Icono gráfico alusivo al tipo de archivo Audiu (Audiu: 699 Kb) (n'español)

Información sobre el documento

© Copyright 2006. Gobierno del Principado de Asturias