Gobiernu del Principau d'Asturies

Asturies, muncho más cerca

Tas en

Asturias.es Información de los Conceyos El to Conceyu Educación pide la colaboración de varios ayuntamientos pa ...
 

El to Conceyu

Educación pide la colaboración de varios ayuntamientos pa garantizar la distancia interpersonal el próximu cursu

La conseyera Carmen Suárez axúntase esta selmana con representantes d'Uviéu, Xixón, Avilés y Castrillón p’analizar la posibilidá d'usar dependencies municipales

22/06/2020

La conseyera d'Educación, Carmen Suárez, empecipió güei una ronda de contactos colos ayuntamientos de los conceyos más poblaos pa trabayar conxuntamente na busca d'espacios que permitiríen garantizar el próximu cursu una distancia interpersonal de seguridá de 1,5 metros ente l'alumnáu d'Infantil y Primaria.

Suárez celebró esta mañana una xunta con responsables del Conceyu d'Uviéu y va facer lo propio a lo llargo de la selmana con representantes municipales de Xixón, Avilés y Castrillón. D'esta miente, la conseyería y los conceyos onde s'alluguen aquellos centros que, n’analizando analizaos tolos güecos propios, nun dispunxeren d'aules abondes, van esplorar la posibilidá d'habilitar otros espacios públicos de cara al añu académicu 2020-2021.

El Principáu constituyó en mayu grupo de trabayu que diseñen, por niveles educativos, planes y respuestes pa cada unu de los trés escenarios que podríen dase'l próximu cursu: el de l'asistencia total del alumnáu a los centros, un modelu mistu telemáticu y presencial, y el d'una enseñanza dafechu telemática énte un eventual confinamientu. El primeru d'ellos ye'l preferente.

Na última Conferencia Sectorial d'Educación, celebrada'l 11 de xunu, el Principáu yá defendió la conveniencia d'empezar el cursu en septiembre cola máxima presencia d'alumnáu nes aules, en tolos centros y niveles, siempre y cuando lo permitan les autoridaes sanitaries. Enagora, l'encamientu ye caltener una distancia interpersonal de 1,5 metros y adoptar les midíes de seguridá ya hixene oportunes.

Información sobre el documento

© Copyright 2006. Gobiernu del Principau d'Asturies