Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances El Gobiernu d'Asturies prevé escosar tol presupuestu previstu ...
 

Economía y finances

El Gobiernu d'Asturies prevé escosar tol presupuestu previstu pal Plan Moves d'ayudes a la movilidá eficiente y sostenible

Resuelve un primer bloque de solicitúes cola concesión de subvenciones por 402. 960 euros y va axudicar un segundu espediente a lo llargo d'avientu. Les primeres ayudes beneficien la compra de 18 vehículos por particulares, autónomos y empreses, la instalación de 36 puntos de recarga y la puesta en marcha d'una iniciativa de préstamu de bicicletes eléctriques. Asturies lidera n'España l'indicador global d’electro-movilidá y ye la sesta comunidá con mayor penetración de vehículos eléctricos puros o híbridos

01/12/2019

El Gobiernu d'Asturies prevé escosar el presupuestu de la convocatoria de subvenciones del programa Moves d'incentivos a la movilidá eficiente y sostenible, que p’anguaño dispón d'una cuantía de 1.000.022,93 euros. Esta mesma selmana'l Boletín Oficial del Principáu d’Asturies (BOPA) recoyía una primer resolución cola concesión d'un primer bloque d'ayudes por importe de 402.960 euros, y prevése qu'a lo llargo del mes d'avientu se resuelva'l segundu tramu pa dar respuesta a les solicitúes pendientes y col enfotu d’escosar l'importe global de la llinia.

Nesta primer resolución concediéronse subvenciones pa la compra de 18 vehículos eléctricos y de gas, la instalación de 26 puntos de recarga y pa la puesta en marcha d'una empresa de préstamu de bicicletes eléctriques. El desglose foi'l siguiente:

  • 57.500 euros pa la compra de 6 vehículos per parte d'autónomos o empreses privaes.
  • 21.750 euros pa 10 vehículos d'enerxíes alternatives pa particulares y comunidaes de propietarios.
  • 12.000 euros pa la compra, por parte de la Sociedá Estatal Correos y Telégrafos, de dos vehículos de tresporte.
  • 66.450 euros pa la instalación de puntos de recarga convencionales p’autónomos y empreses privaes.
  • 8.060 euros pa la instalación de puntos de recarga convencionales por comunidaes de propietarios y particulares.
  • 2.800 euros pal allugamientu por parte del Conceyu de Llanes d'un sistema de carga semirápida.
  • 220.400 euros pa la puesta en marcha de puntos de recarga rápida por parte d'autónomos y empreses privaes.
  • 14.000 euros n'ayudes pa un serviciu de préstamu de bicicletes.

Tres esta primer resolución, d’alcuerdu colo establecío nel RD 72/2019, el Gobiernu d'Asturies va realizar una redistribución del presupuestu de les distintes llinies de sofitu contemplaes pol Plan Moves p’atender les solicitúes en llista d'espera, dirixida a escosar el presupuestu de la convocatoria. Esta reordenación de los fondos disponibles va tener incidencia especial nos planes de renovación de flotes del sector loxísticu y de tresporte de mercancíes, yá que nel primer bloque namás pudieron atendese trés piticiones de vehículos propulsaos por gas natural, quedando más d'una decena d'espedientes pendientes.

El Plan Moves ye un programa del Institutu pa la Diversificación y Aforru de la Enerxía (IDAE), organismu adscritu al Ministeriu pa la Transición Ecolóxica (MITECO) al traviés de la Secretaría d'Estáu d'Enerxía. La iniciativa, con 45 millones d'euros de presupuestu nel conxuntu d'España, diríxese a incentivar la compra de vehículos alternativos y a instalación d'infraestructures de recarga de vehículos eléctricos, a la promoción de sistemes de préstamos de bicicletes eléctriques, y a la implantación de midíes recoyíes en Planes de Tresporte a los centros de trabayu.

Establez cuatro bloques d'ayudes anque, d’alcuerdu colo establecío nel RD 72/2019, los que tienen más pesu presupuestariu son los dos primeros, los referíos a la compra de vehículos d'enerxíes alternatives y a la implantación d'infraestructures de recarga de coches eléctricos. La concesión de les subvenciones vien determinada nes bases aprobaes pol IDAE, onde s'establecen los porcentaxes mínimos que se destinen primeramente a cada tipu d'actuación, los requisitos y les condiciones pa beneficiase del programa.

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies