Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances Servicios Tributarios El Gobiernu d’Asturies y l’Axencia Tributaria principien el ...
 

Servicios Tributarios

El Gobiernu d’Asturies y l’Axencia Tributaria principien el programa conxuntu d’ayuda pa ellaborar la declaración de la renta, que va tar activu hasta’l 2 de xunetu

La conseyera de Facienda y Sector Públicu destaca la utilidá d’un serviciu que nel 2017 benefició a más de 94. 000 contribuyentes

De izquierda a derecha, el decano del Colegio de Economistas de Asturias, Miguel de la Fuente; el delegado de la Agencia Tributaria en Asturias, José Ignacio Rollán; la consejera de Hacienda y Sector Público, Dolores Carcedo, y la directora general de Finanzas y Economía, Mar García Salgado

10/05/2018

El Gobiernu d’Asturies y l’Axencia Tributaria punxeron en marcha un añu más el programa conxuntu p’ayudar a los contribuyentes a cubrir la declaración del impuestu sobre la Renta de les Persones Físiques (IRPF). El serviciu empezó güei y va tar activu hasta’l 2 de xunetu, fecha na que remata la campaña.

La conseyera de Facienda y Sector Públicu, Dolores Carcedo, visitó esta mañana la oficina onde s’empresta atención n’Uviéu, una de les plataformes conxuntes xunto a les d’Avilés y Xixón. Esta última cunta tamién cola participación del Conceyu. Carcedo tuvo acompañada pol delegáu de l’Axencia Tributaria n’Asturies, José Ignacio Rollán; la directora xeneral de Finances y Economía, Mar García Salgado, y el decanu del Colexu d’Economistes d’Asturies, Miguel de la Fuente. La collaboración ente alministraciones remóntase a 1998.

Amás de nestes trés plataformes, tamién s’empresta serviciu a la ciudadanía en Llanes, La Pola Llaviana, Siero, Tinéu, Navia y A Veiga. Peles nueve oficines van repartise 32 recién titulaos, con formación en materia tributaria, que participen na campaña de la renta al traviés del conveniu firmáu ente’l Principáu y el Colexu d’Economistes y que van reforzar l’asesoramientu.

La conseyera valoró’l serviciu que güei empieza, porque asesora a un gran númberu de ciudadanos en cada campaña. “L’añu pasáu tramitáronse 94.456 declaraciones al traviés del sistema de cita previa”, sorrayó.

   Icono gráfico alusivo al tipo de archivo Audiu (Audiu: 402 Kb) (n'español)

Información sobre el documento

© Copyright 2006. Gobiernu del Principau d'Asturies