Gobierno del Principado de Asturias

Asturias, mucho más cerca

Estás en

Aniciu Temes Infraestructures y territoriu Territoriu y urbanismu Sogepsa desbloquia la llicitación de la primer fase del área ...
 

Territoriu y urbanismu

Sogepsa desbloquia la llicitación de la primer fase del área industrial de Bobes

Con una superficie bruta de cincuenta hectáreas, va cuntar con tolos accesos, infraestructures y servicios p’asegurar la so funcionalidá dafechu. L’actuación dispón d’un presupuestu base de llicitación de 8,3 millones y un plazu d’execución de 12 meses. Les empreses interesaes van poder presentar les sos ufiertes hasta’l 1 d’abril

01/03/2019

Uviéu, 1 de marzu del 2019.– El conseyu d’alministración de Soxepsa decidió reformular el procesu de llicitación pa poder axudicar les obres d’urbanización que van rematar la primer fase del área industrial de Bobes, en Siero. El determín tomóse desque resulta aplicable la subvención nueva del IDEPA pa reequilibrar la operación y desenvolver les obres d’urbanización pendientes.

D’alcuerdu al pliegu publicáu esti xueves, van contratase les obres necesaries pa rematar toles infraestructures de los accesos, incluyíes les conexones esteriores de los servicios, y les dotaciones necesaries pa consiguir la total funcionalidá d’esa fase. L’actuación tien un presupuestu base de llicitación de 8.331.822 euros y un plazu d’execución de 12 meses y les empreses interesaes van poder presentar les sos ufiertes hasta’l próximu 1 d’abril.

Esta fase correspuende a una superficie bruta de mediu millón de metros cuadraos, la metá de tol proyectu del parque empresarial, pa pequeña, mediana y gran industria. Ocupa la parte central del ámbitu y, desque urbanizada, va ser funcional dafechu y va disponer de los enllaces previstos cola autovía y coles carreteres qu’arrodien l’área.

Soxepsa rexistró un interés constante de les empreses por allugase en Bobes, lo que reafirma’l valor estratéxicu tan altu d’esti suelu industrial nel marcu territorial del área metropolitana del centru d’Asturies.

Planu d’accesibilidá xeneral fase I de Bobes

 

   Icono gráfico alusivo al tipo de archivo Plano de accesibilidad Fase I. Bobes (Imagen: 214 Kb)

Información sobre el documento

© Copyright 2006. Gobierno del Principado de Asturias