Gobierno del Principado de Asturias

Asturias, mucho más cerca

Estás en

Aniciu Información de los Conceyos Cultura convoca les subvenciones a entidaes locales pal Circuitu ...
 

Información de los Conceyos

Cultura convoca les subvenciones a entidaes locales pal Circuitu de les Artes Escéniques por un importe de 250.000 euros

El modelu de cofinanciación colos conceyos va dexar al sector recibir hasta mediu millón

29/05/2019

La Conseyería d’Educación y Cultura convocó nel plazu previstu la llinia de subvenciones pal Circuitu de les Artes Escéniques del Principáu, dotada con 250.000 euros, y a la que puen presentase entidaes y organismos autónomos locales.

La collaboración ente’l Gobiernu y los conceyos interesaos en programar artes escéniques pasa a canalizase pente medies de la subvención a entidaes locales, al traviés de la convocatoria de la llinia llamada Circuitu de les Artes Escéniques, publicada güei nel Boletín Oficial del Principáu (BOPA). D’esta manera, el sofitu económicu pa la programación apaez pela primer vez, esplícitamente y de manera singularizada, na llei de presupuestos, con una partida esclusiva.

La convocatoria ta destinada a los conceyos y tien como oxetu la promoción y el fomentu de les artes escéniques profesionales de la comunidá, al traviés d’una programación cultural estable y de calidá accesible a tola ciudadanía nos espacios municipales.

Igualmente, les ayudes busquen incentivar el desenvolvimientu y la proyección nacional de les artes escéniques rexonales. Pa garantizar la consecución d’estos oxetivos, los conceyos tienen que programar un mínimu anual del 80 % de compañíes profesionales asturianes, lo que da’l nivel d’actividá necesaria pa garantizar la estabilidá y el desenvolvimientu del sector.

El sofitu económicu a los conceyos pa programar actuaciones nos sos teatros y cases de cultura desenvuélvese nel marcu d’un modelu de cofinanciación, de manera que si les entidaes locales programen pola mesma cantidá que da la llinia de subvención autonómica, el sector va percibir mediu millón d’ayuda. L’añu pasáu, realizáronse per esta vía más de 200 actuaciones en 25 conceyos por un importe de 197.000 euros.

El Principáu valoró la importancia que tien la instrumentalización d’estes ayudes na meyora na eficiencia y la eficacia del trabayu de les alministraciones, al producise una simplificación de los trámites que va repercutir positivamente na xestión empresarial de les compañíes.

La convocatoria de la llinia de subvenciones otorga a les entidaes locales 20 díes naturales de plazu pa la presentación de solicitúes y concreta que les actuaciones subvencionables han llevase a cabu ente’l 1 de xineru y el 31 d’avientu d’anguaño.

 

Información sobre el documento

© Copyright 2006. Gobierno del Principado de Asturias