Gobiernu del Principau d'Asturies

Asturies, muncho más cerca

Tas en

Asturias.es Temes Pesca Ser Pescador La conseyera de Desarrollu Rural ve na Confrería de Pescadores ...
 

Ser Pescador

La conseyera de Desarrollu Rural ve na Confrería de Pescadores de Bustio “un modelu enerxéticu caltenible y autónomo a siguir”

María Jesús Álvarez destaca que la entidá ye la primera d'España en autoabastecese d'enerxía llimpio n'adaptando la so sede con una inversión del Gobiernu d'Asturies de 129. 000 euros. Les nueves instalaciones, inauguraes güei, van permitir al colectivu aforrar ente 8. 000 y 12. 000 euros añales n'eletricidá

Izda a Dcha: Dtor. Gral. de Pesca, Alberto Vizcaíno; Moisés Garrido, técnico proyecto instalaciones Cofradía de Pescadores de Bustio; Máximo González, gerente de Asociación para el Desarrollo Rural e Integral del Oriente de Asturias; Consejera de Desarrollo Rural y Recursos Naturales, María Jesús Álvarez; Jesús Peñil, patrón mayor Cofradía de Pescadores de Bustio; Dimas García, Presidente Federación de Cofradías de Pescadores del P.A. , y Jesús Bordás, alcalde de Ribadedeva

26/10/2017

La conseyera de Desarrollu Rural y Recursos Naturales inauguró güei les nueves instalaciones d'enerxía anovable de la Confrería de Pescadores de Bustiu (Ribedeva), un proyectu que punxo como exemplu d'imaxinación y compromisu porque “permite a esta entidá ser absolutamente autónoma, eficiente, rentable y caltenible dende'l puntu medioambiental. D'equí p'arriba, va abastecer d'enerxía llimpio producío por molinos eólicos y plaques solares”, destacó María Jesús Álvarez.

La titular del área señaló que la de Bustiu ye la primera y la única confrería autónoma d'España dende'l puntu de vista enerxéticu, “lo que va permitir un aforru d'ente 8.000 y 10.000 euros añales en gastos d'eletricidá y que, amás, manifiesta'l compromisu ambiental de la entidá y del Principáu d'Asturies pa nun producir demasiao carbonu”.

Esti nuevu sistema d'enerxía llimpio foi subvencionáu con 129.000 euros pol Gobiernu del Principáu, al traviés del Fondu Européu Marítimu y de la Pesca (Femp). “Frente a les crítiques que n'ocasiones recibe esti fondu, estes instalaciones son un exemplu de que'l Femp repercute positivamente nel sector pesqueru y de qu'usando la imaxinación podemos algamar munchos nichos d'inversión venceyaos directamente a la meyora de la rentabilidá económica de los pescadores y les sos asociaciones”, sorrayó la titular de Desarrollu Rural.

Álvarez recordó qu'a partir de la exa del Femp, destinada a la diversificación pesquera, “púnxose en marcha la marca de calidá de Pexe de Rula, con Artes Sanos, adaptóse la de Merluza del Pinchu de Cuideiru y consiguióse la certificación MSC pal pulpu nes confreríes de Tapia de Casariego, Viavélez, Ortiguera y Puertu de Vega, primer sellu de sostenibilidá pesquera d'un cefalópodu a nivel mundial”.

Tamién mentó otres actuaciones realizaes, “bien interesantes pal sector”, como la construcción o adaptación d'apartamentos turísticos promovios os por pescadores; xuna empresa de catering, tamién puesta en marcha por un pescador nel Baxu Nalón, y les adaptaciones a visites, o'l so tresformamientu como centros d'interpretación de la pesca, de les rules de Puertu de Vega, Ribesella y Candás, a les que podría sumase L.luarca, que presentó la so solicitú na última convocatoria.

“Toes son iniciatives que dexen asegurar la rentabilidá del sector artesanal respetuosu col mediu ambiente, que tien que poner el focu na calidá de los productos”, incidió la conseyera.

La responsable de Desenvolvimientu Rural precisó que la iniciativa de la Confrería de Bustiu “amuesa xuna llínea de trabayu que pueden siguir n'otres confreríes que quieran empobinar les sos inversiones nesta dirección porque ye importante atopar proyectos imaxinativos, pero realistes, que podamos desarrollar”.

.

.

 

 

Información sobre el documento

© Copyright 2006. Gobiernu del Principau d'Asturies