Gobiernu del Principau d'Asturies

Asturies, muncho más cerca

Tas en

Asturias.es Temes Europa El Gobierno d’ Asturies va incrementar un 32% la financiación de ...
 

Europa

El Gobierno d’ Asturies va incrementar un 32% la financiación de la convocatoria de fondos Leader 2020

El Principáu va modificar les bases d'estes ayudes pa simplificar la xestión, favorecer la creación d'empléu y el desenvolvimientu económicu. El ticket rural alza la so cuantía de los 25. 000 euros actuales hasta 35. 000. El conseyeru Alejandro Calvo presentó güei nel ministeriu les nueves llinies estratéxiques, resultáu del trabayu colos grupos d'acción local

La directora general de Desarrollo Rural, Innovación y Formación Agroalimentaria, Isabel Bombal, en la cabecera de la mesa, con el consejero de Desarrollo Rural, Agroganadería Pesca y Alimentación, Alejandro Calvo, a su derecha en la foto

27/02/2020

El Gobiernu d'Asturies va aumentar un 32% la financiación de la convocatoria de fondos europeos Leader 2020, hasta algamar un presupuestu de 26,5 millones. Tamién va modificar les bases d'estes ayudes con cuenta de que puedan ser xestionaes con mayor axilidá y favorezan la creación d'empléu y desenvolvimientu económicu nel mediu rural.

Ente otres midíes, van simplificase los requisitos alministrativos y van flexibilizase les condiciones p'aportar a les subvenciones, acordies con les necesidaes plantegaes polos promotores a partir de la esperiencia d'anteriores convocatories.

Tamién se va incrementar nun 40% la cuantía de l'ayuda p'autónomos, el conocíu como ticket rural, dende los 25.000 euros actuales hasta 35.000. Al tiempu, va abrise una nueva llinia d'ayudes pa la industria agroalimentaria, qu'aspira a ser una pilastra de la nueva estratexa de desenvolvimientu del Principáu pa esti sector, alredor de la marca de garantía Alimento del Paraísu Natural.

El conseyeru de Desenvolvimientu Rural, Agroganadería y Pesca, Alejandro Calvo, presentó güei estes novedaes na xunta que caltuvo en Madrid con Isabel Bombal, directora xeneral del Ministeriu d'Agricultura.

Calvo señaló que los cambeos nes bases planteguen un enfoque integral de desenvolvimientu rural que fortalez les llinies d'éxitu de les convocatories anteriores ya introduz midíes con un fuerte apueste pol sector agroalimentariu.

El conseyeru resaltó que'l cambéu fíxose de la mano colos grupos d'acción local, colos que se trabayó de forma consensuada. “Estos axentes de desenvolvimientu y dinamización territorial son quien tán meyor preparaos pa detectar el talentu y les oportunidaes de emprendimientu sobre'l territoriu”, afirmó. Calvo estimó tamién la decisiva collaboración y vagar del Ministeriu en tol procesu d'ellaboración d'estos “nuevos Leader”

Icono gráfico alusivo al tipo de archivo Audio (Audio: 787 Kb)

Información sobre el documento

© Copyright 2006. Gobiernu del Principau d'Asturies